Sem útsendur starfsmaður átt þú rétt á öruggum vinnustað, líkt og aðrir á íslenskum vinnumarkaði. Þér eru tryggð ákveðin réttindi varðandi laun og önnur kjör samkvæmt íslenskum kjarasamningum á meðan þú starfar hér á landi.

Löggjöf sem gildir um starfskjör útsendra starfsmanna

Samkvæmt lögum um útsenda starfsmenn og erlenda þjónustuveitendur gildir meðal annars eftirfarandi löggjöf um starfskjör útsendra starfsmanna í ráðningarsambandi þeirra við erlend þjónustufyrirtæki:

• Lög um starfskjör launafólks og skyldutryggingu lífeyrisréttinda

• Lög um aðbúnað, hollustuhætti og öryggi á vinnustöðum

• Lög um orlof

• Lög um fæðingar- og foreldraorlof, 16., 49. og 50. gr

• Lög um jafna stöðu og jafnan rétt kvenna og karla

• Lög um loftferðir, VI. kafli

• Lög um starfsmannaleigur, ef hinn útsendi starfsmaður er starfsmaður starfsmannaleigu

Almenna reglan er sú að útsent starfsfólk sem dvelur lengur en sex mánuði á Íslandi ber lögum samkvæmt að tilkynna um dvöl sína og skrá lögheimili sitt á Íslandi. Vinnuveitandi getur ekki sótt um slíka skráningu fyrir hönd starfsmanns.

Þjóðskrá Íslands heldur utan um lögheimilisskráningu á Íslandi. Athugið að aðrar reglur gilda um ríkisborgara utan EES. Þeir þurfa að afla sér sérstaks dvalarleyfis til að öðlast rétt til dvalar hér á landi.

Reglur um tilkynningu dvalar og skráningu lögheimilis fara eftir því hversu lengi starfsmaðurinn dvelst hér á landi og ríkisfangi hans.

Hægt er að lesa nánar um málið á vefsíðu Þjóðskrár Íslands:

• EES/EFTA ríkisborgarar

• Norrænir ríkisborgarar

• Ríkisborgarar utan EES/EFTA

Sem útsendur starfsmaður átt þú að lágmarki rétt á launum samkvæmt íslenskum kjarasamningum. Ef ráðningarsamningur þinn kveður á um betri starfskjör halda þau þó gildi sínu.

Útsendir starfsmenn erlendra þjónustufyrirtækja eru skattskyldir á Íslandi vegna þeirra tekna sem þeir afla í vinnu hér á landi.

Ef erlenda þjónustufyrirtækið er undanþegið frá greiðslu skatta á grundvelli tvísköttunarsamnings eru starfsmenn fyrirtækisins með sama hætti undanþegnir ef dvöl þeirra hérlendis er ekki lengri en 183 dagar á hverju 12 mánaða tímabili.

Starfsfólk sem dvelur lengur en 183 daga á hverju 12 mánaða tímabili ber ótakmarkaða skattskyldu hérlendis frá fyrsta degi og ber að greiða tekjuskatt af heildartekjum frá komu til landsins.

Sjá nánar Skattar og gjöld

Réttur útsendra starfsmanna til launa í veikindum eða vegna slysa fer eftir því hversu lengi þeir hafa starfað hjá vinnuveitanda sínum. Fyrstu tólf mánuðina ávinnur starfsmaður sér rétt til launa í tvo daga fyrir hvern unninn mánuð. Rétturinn fer eftir starfshlutfalli starfsmanns.

Ef starfsmaður starfar hér á landi lengur en eitt ár fer veikindaréttur hans samkvæmt 5. grein laga um rétt verkafólks til uppsagnarfrests frá störfum og til launa vegna sjúkdóms- og slysaforfalla. Samkvæmt lögunum ber að virða rétt starfsfólks til launa ef það verður veikt eða lendir í slysi.

Sjá nánar um rétt til launa vegna fjarveru.

Í sumum tilvikum getur íslenskur kjarasamningur veitt starfsmanni betri rétt til launa í veikindum. Veikindaréttur er mismunandi eftir kjarasamningum og því þarf að skoða þann kjarasamning sem á við hverju sinni. Stéttarfélög veita nánari upplýsingar um ákvæði kjarasamninga

Þar sem þú starfar á Íslandi á vegum atvinnurekanda þíns ætti hann að útvega þér húsnæði á meðan þú dvelur hér á landi. Atvinnurekandinn á annað hvort að greiða fyrir húsnæðið sjálfur eða greiða þér dagpeninga til að standa straum af kostnaði við gistingu.

Ef atvinnurekandi þinn segir þér upp störfum ættir þú að hafa samband við stéttarfélagið þitt í heimalandinu til að kanna réttindi þín.

Innlend fyrirtæki sem nýta þjónustu erlendra þjónustufyrirtækja í byggingastarfsemi eða mannvirkjagerð kunna að bera ábyrgð á vangoldnum launum og öðrum launaþáttum starfsfólks erlendra þjónustufyrirtækja

Sjá nánar um keðjuábyrgð í byggingastarfsemi og mannvirkjagerð.

Nei það þarf ekki. Þar sem vinnan felur ekki í sér þjónustuveitingu á Íslandi er hún ekki tilkynningarskyld til Vinnueftirlitsins.

Nei það er ekki leyfilegt. Einungis sjálfstætt starfandi einstaklingum sem eru ríkisborgarar ríkja innan EES er heimilt að starfa á Íslandi sem sjálfstætt starfandi útsendir starfsmenn.