Meðferðaraðilar á göngudeild geðdeildar eru kallaðir út við stórslys og almannavarnarástand samkvæmt viðbragðsáætlun.

Áfallahjálp er veitt í Seli og forstöðumenn geðsviðs eru ábyrgðir fyrir stjórnun áfallahjálpar.

Við minni atburði er vísað á Heilbrigðisstofnun Norðurlands.

Neyðarmóttaka fyrir þolendur kynferðisofbeldis er

• opin allan sólarhringinn

• fyrir alla þolendur sem hafa orðið fyrir kynferðislegu ofbeldi

• þolendum að kostnaðarlausu

Þolandi þarf ekki að hafa tekið ákvörðun um kæru til lögreglu fyrir komu.

Hægt er að koma beint á neyðarmóttökuna eða panta tíma í síma 463 0800.

Markmið
Tilgangur þjónustunnar er að veita stuðning, skoðun og ráðgjöf hjúkrunarfræðinga, lækna og félagsráðgjafa og koma í veg fyrir andlegt og líkamlegt heilsutjón sem er oft afleiðing kynferðislegs ofbeldis.

Metið er hverju sinni í hverju þjónustan á að felast í samráði við þolanda og starfsfólk bráðamóttöku.

Starfólki er skylt samkvæmt lögum að tilkynna mál til barnaverndaryfirvalda ef ungmenni er yngra en 18 ára.

Félagsráðgjafi og sálfræðingur
Stuðningsaðilar við þjónustuna er félagráðgjafi og sálfræðingur.

Hlutverk félagsráðgjafa er að:

• veita sálfélagslegan stuðning og samtalsmeðferð

• veita hagnýtar upplýsingar

• styðja viðkomandi í tengslum við kæruferli

• fylgja málinu eftir svo lengi sem þurfa þykir

Hlutverk sálfræðings er að:

• aðstoða þolendur við úrvinnslu áfalls

• fræða og veita ráðgjöf um algengar afleiðingar áfalla

Metin er þörf fyrir frekari sérhæfða meðferð vegna andlegra/líkamlegra viðbragða. Unnið er að styrkingu bjargráða og stuðningskerfa.

Tengill við neyðarmóttöku Landspítalans 

• Læknisvottorð vegna slyss eða áverkavottorð til Sjúkratrygginga Íslands þarf að panta hjá bráðamóttöku í síma 463 0810.

• Vottorð vegna fjarveru frá vinnu eða skóla þarf að biðja um við fyrstu komu á bráðamóttöku.