Starfsemin felst fyrst og fremst í bókuðum tímum bæði viðtölum og hópameðferðum. Einstaklingar eru metnir með tilliti til geðraskana og þeim veitt ráðgjöf og meðferð í framhaldi. Einnig fer fram bráðaeftirfylgd eftir komu á bráðamóttöku.

Eingöngu unnið samkvæmt tilvísunum. Gerðar eru kröfur um að fram hafi farið frummat og meðferðartilraun í heilsugæslu áður en vísað er til deildarinnar.

Á dag- og göngudeild starfa geðlæknar, hjúkrunarfræðingar, iðjuþjálfar, heilbrigðisgagnafræðingur/ritari, sálfræðingar og félagsráðgjafar.

Tímabókanir alla virka daga milli kl. 8 of 12 í síma 463 0202.
Aðeins er bókað í tíma hjá einstaklingum sem þegar eru skráðir í meðferð samkvæmt tilvísun.
Hægt er að hafa samband í gegnum tölvupóst.

Opnunartími er:
Mánudaga til fimmtudaga: 8:00-15:30
Föstudaga 8:00-14:00

Legudeild geðdeildar SAk veitir sólarhrings- og dagþjónustu. Í forgangi eru bráðveikir sjúklingar með geðrofseinkenni og í sjálfsvígshættu. Flestar innlagnir á legudeild eru bráðainnlagnir sem koma í gegnum bráðamóttöku SAK, aðrar eru af biðlista samkvæmt tilvísunum sem berast frá heilbrigðisstarfsfólki.

Á deildinni er ákveðnum sjúklingum boðin dagvist eftir innlögn í sólarhringsvist sé þörf á eftirfylgd þar til viðeigandi úrræði tekur við. 

Deildin samanstendur af bráðadeild, sem hefur 10 bráðalegurými og dag- og göngudeild. Bráðadeildin er staðsett í aðalbyggingunni á jarðhæð.

Markhópur göngudeildar eru einstaklingar með alvarlegan geðrænan vanda sem kallar á þverfaglega nálgun og þjónusta á lægri stigum hefur verið fullreynd eða á ekki við. Þjónusta á göngudeild stendur yfir í afmarkaðan tíma. Eftir að þjónustu lýkur flyst eftirfylgd að nýju til heilsugæslu/tilvísara.

Fyrir þá heilbrigðisstarfsmenn sem gera tilvísun er flýtitexti hér í skjalinu að neðan.