Sjúkrahúsið á Akureyri er vinnustaður þar sem lögð er áhersla á

• virkt jafnrétti á öllum sviðum starfseminnar.

• á gagnsæi í ákvörðunum er lúta að framgangi í starfi og og launum og þar sem tryggt er að öll kyn njóti jafnra launa og kjara fyrir jafnverðmæt og sambærileg störf.

• að kynna sjúkrahúsið sem áhugaverðan vinnustað fyrir öll kyn og leitast er við að jafna hlutföll kynjanna í öllum starfshópum (stéttum) innan stofnunarinnar. Laus störf eru opin jafnt konum og körlum.

• jafnan hlut kynja í stjórnunarstörfum á grunni faglegrar hæfni einstaklinganna.

• jafnt hlutfall kynja í nefndum, ráðum og verkefnastjórnum sem skipað er í á vegum sjúkrahússins.

• að öll kyn njóti jafnra tækifæra til endurmenntunar og starfsþróunar.

• að starfsfólk eigi kost á að samræma fjölskylduábyrgð og starfsábyrgð með sveigjanlegum vinnutíma.

• að komið sé í veg fyrir einelti og kynferðislega áreitni.

• að starfsmenningin stuðli að því að réttindi sjúklinga séu virt.

Samkvæmt mannauðsstefnu Sjúkrahússins á Akureyri er lögð áhersla á að ráða til starfa og halda í hæfileikaríka einstaklinga. Við val á starfsfólki er menntun, reynsla, færni og hæfni höfð að leiðarljósi.

Mannauðsstefnan er leiðarljós stjórnenda og starfsfólks sem gerir sjúkrahúsið framsækinn og eftirsóknarverðan vinnustað, þar sem hún byggir á grunngildum sjúkrahússins sem eru:

ÖRYGGI, SAMVINNA og FRAMSÆKNI.

Lögð er áhersla á að gefa starfsfólki tækifæri til starfsþróunar með markvissri þjálfun og fræðslu. Mikilvægt er að starfsfólk miðli þekkingu og reynslu sín á milli og til nýs starfsfólks og nema.