• Meginverkefni gæðaráðs eru að framfylgja gæðastefnu og veita gæðastarfi forystu. Auk þess felast verkefnin í því að bæta öryggi og vinnulag á sjúkrahúsinu í ljósi skráðra atvika, tilvika og afleiðinga þeirra.

• Gæðaráði er ætlað að fylgjast með stefnum og straumum, finna nýjar leiðir og standa fyrir þróun í gæða- og umbótastarfi.

• Gæðaráð hefur umsjón með rekstri gæða- og atvikaskráningakerfis sjúkrahússins.

• Í gæðaráði sitja átta fulltrúar lækna, hjúkrunarfræðinga og annars starfsfólks og þrír til vara.

• Svið faglegrar framþróunar skipar í gæðaráð til þriggja ára í senn.

• Ráðið heldur fundi einu sinni til tvisvar í mánuði.

Sjúkrahúsið á Akureyri hefur sett sér gæðastefnu. Grundvöllur gæðastarfsins er sjúklingurinn og aðstandendur hans. Með gæðastefnunni setur SAk sér þau markmið að:

• Uppfylla þarfir og væntingar skjólstæðinga.

• Veita skjólstæðingum skilvirka og örugga þjónustu. 

• Gæðahandbók sé virk og notendavæn.

• Tryggja þjónustu óháð skipulagi. 

• Ferli séu sniðin að þörfum sjúklinga og aðstandenda.

• Þverfaglegt samstarf og teymisvinna sé í fyrirrúmi.

• Vinna markvisst að stöðugum umbótum.

• Fylgjast með lykilþáttum í starfseminni. 

• Bregðast kerfisbundið við frávikum.

• Birgjar uppfylli skilgreindar þarfir, gæðakröfur og gæðastaðla.

• Starfsmenn séu virkir þátttakendur í gæðastarfi. 

• Sjúkrahúsið sé faggilt skv. DNV –GL Healthcare og vottað skv. ISO 9001, 14001, 27001 og 45001. 

• Fylgja viðeigandi kröfum.

Forstjóri, framkvæmdastjórn, heilbrigðisstarfsfólk og stjórnendur bera ábyrgð á því að gæðastefnu SAk sé framfylgt. Með gæðastarfi sjúkrahússins skal séð til þess að úrbætur og fyrirbyggjandi aðgerðir sem gripið er til innan stofnunarinnar sé hrint í framkvæmd, árangur mældur og fylgst sé með framvindu þeirra.

• Oddur Ólafsson, svæfingalæknir, formaður

• Erla Björnsdóttir, framkvæmdastjóri mannauðssviðs

• Hannes Bjarnason, gæða- og verkefnastjóri

• Helga Kristín Jónsdóttir, mannauðsráðgjafi

• Helgi Haraldsson, öryggisstjóri

• Jóna Valdís Ólafsdóttir, forstöðulyfjafræðingur

• Ragnheiður Baldursdóttir, sérfræðingur í fæðinga- og kvensjúkdómalækningum

• Rut Guðbrandsdóttir, sýkingavarnahjúkrunarfræðingur

• Valborg Lúðvíksdóttir, aðstoðamaður gæðastjóra

Skipunartími

1. mars 2020 til 28. febrúar 2023.

Sjúkrahúsið á Akureyri er með alþjóðlega gæðavottun á starfsemi sinni og er fyrsta heilbrigðisstofnunin á Íslandi til að hljóta slíka vottun.

Vottunin var upphaflega veitt síðla árs 2015 og er nú endurnýjuð í tvígang og gildir til síðla árs 2024. Vottunaraðilinn er alþjóðlega fyrirtækið DNV GL sem er eitt af stærstu fyrirtækjum á þessu sviði í heiminum. Jafnframt hlaut SAk vottun á allri sinni starfsemi samkvæmt ISO 9001:2015 staðlinum vorið 2019 og eftir endurnýjun síðla árs 2021 gildir sú vottun til fyrri part árs 2025.

Sjúkrahúsið er einnig með alþjóðlega vottun á samkvæmt upplýsingaöryggisstaðlinum ISO 27001 sem veitt var upphaflega árið 2019 og var endurnýjuð á haustmánuðum 2021. Úttektaraðli er BSI (British Standard Institution ) á Íslandi. Staðall þessi rammar inn alla vinnu er varðar stjórnun upplýsingaöryggis á sjúkrahúsinu.

Sjúkrahúsið hlaut jafnlaunavottun ÍST 85:2012 í byrjun árs 2020 og gildir sú vottun í 3 ár en vottunaraðilinn er BSI (British Standard Institution) Bretlandi. Meginmarkmið jafnlaunavottunar er að vinna gegn kynbundnum launamun og stuðla að jafnrétti kynjanna á vinnumarkaði.