• Skjólstæðingar og aðstandendur geta sótt um að leigja íbúð minningarsjóðs heimahlynningar. Íbúðin er staðsett í Götu sólarinnar 6, við Kjarnaskóg.

• Sjúkrahúsið á Akureyri og Heilbrigðisstofnun Norðurlands sjá um rekstur húsnæðisins.

Einstaklingar sem eru í lífslokameðferð hafa forgang á leigu íbúðarinnar.

Íbúðin er leigð að hámarki viku í senn.

Umsókn um leigu á íbúð - Gata sólarinnar 6

Nánari upplýsingar og bókanir í síma 830 8628 eða 860 4666.

Um íbúðina

Húsnæðið er 100 fermetrar að stærð og þar má finna:

• þrjú herbergi með svefnplássi fyrir 5

• tvö baðherbergi með sturtu

• eldhús með helstu heimilistækjum og búnaði auk örbylgjuofni og uppþvottavél

• borðbúnaður fyrir 12 manns

• sjónvarp og netaðgangur

Þvottavél og þurrkari eru í útigeymslu. Á verönd eru útihúsgögn.

Leigukostnaður

• Hver sólarhringur er 4.500 krónur.

• Vikuleiga er 25.000 krónur.

Afhending lykla

Lyklabox er við húsið og fær viðkomandi upplýsingar um númer við upphaf leigu.

• Líknarmeðferð

Líknarmeðferð hefur að markmiðið að sjá fyrir, fyrirbyggja og draga úr líkamlegri, sálfélagslegri og andlegri vanlíðan. Líknarmeðferð hefst við greiningu alvarlegra sjúkdóma og er veitt samhliða lífslengjandi eða læknanlegri meðferð. Þegar sú meðferð ber ekki árangur, eða sjúklingur neitar slíkri meðferð, þá eykst vægi líknarmeðferðar eftir því sem sjúkdómur versnar.

• Lífslokameðferð

Lífslokameðferð hefst þegar sjúklingur er deyjandi (dagar/vikur) og er þá áhersla meðferðar eingöngu að draga úr einkennum og vanlíðan og tryggja að sjúklingur geti dáið með reisn. Lífslokameðferð felur ekki í sér endurlífgun, gjörgæsluvistun eða önnur íþyngjandi inngrip.

Læknar og hjúkrunarfræðingar sækja um heimahlynningu fyrir skjólstæðinga.

Upphaf þjónustu

Eftir að teymið hefur fjallað um umsókn og samþykkt hana hefur hjúkrunarfræðingur samband við skjólstæðing eða aðstandendur með hans samþykki innan fimm daga, fyrr ef nauðsyn krefur. Í sameiningu er ákveðinn tími fyrir frumvitjun. Um leið og hjúkrunarfræðingur hefur haft samband við skjólstæðing getur hann nýtt sér bakvaktarþjónustu heimahlynningar allan sólahringinn.

Hjúkrun og verkefni

• Einkennaeftirlit/meðferð

• Lyfjatiltekt/sérhæfð lyfjagjöf/meðferð

• Sálrænn stuðningur

• Aðstoð við athafnir daglegs lífs eftir þörfum

• Fræðsla

• Teymisvinna

• Frumvitjun, matsvitjun og eftirvitjun

• Fjölskyldufundir

• Útskriftarfundir  

Umfang

Heimahlynning sinnir vitjunum í heimahúsum á Akureyri og nágrenni.

Þeir sjúklingar sem búa fjarri starfsstöð og mjög afskekkt eiga sama rétt og aðrir til þjónustu. Hún er þá veitt sem stuðningur eða fræðsla gegnum snjallsíma og í samvinnu við heilbrigðisstofnun viðkomandi staðar.

Þau sem vilja minnast látins einstaklings með því að styrkja Minningarsjóð heimahlynningar geta keypt minningarkort á eftirfarandi stöðum:

• Afgreiðsla Sjúkrahússins á Akureyri við B-inngang

• Blómabúð Akureyrar, Kaupangi v. Mýrarveg, 600 Akureyri

• Penninn Eymundsson, Hafnarstræti 91, 600 Akureyri

Einnig er hægt að panta kortið rafrænt hér