Það þarf ekki sérstaka menntun til að gegna þessum hlutverkum en krafa er gerð um að viðkomandi hafi unnið að minnsta kosti 1 ár á vinnustaðnum og hafi í daglegum störfum sínum yfirsýn yfir mestan hluta starfseminnar og eða sé til staðar eins mikinn hluta vinnutímans og kostur er.

Námskeið fyrir öryggistrúnaðarmenn og öryggisverði er ætlað að auka þekkingu á vinnuverndamálum og bæta við verkfærum til þess að bæta vinnuumhverfið til að fækka megi slysum, veikindadögum og almennt stuðla að betri líðan í vinnu.