Umsóknareyðublöðum fyrir fyrstu dvalarleyfi þarf að skila í frumriti sem og framfærslugögnum og umsóknum um atvinnuleyfi og ráðningarsamningum.

Eftirtöldum erlendum skjölum þarf að skila í lögformlega staðfestu frumriti eða sem staðfest afrit af lögformlega staðfestu frumriti, eftir því sem við á:

• Með umsókn um dvalarleyfi fyrir maka:

  • Hjúskaparvottorð, fyrir hjúskaparmaka.

  • Hjúskaparstöðuvottorð, fyrir sambúðarmaka.

• Með umsókn um dvalarleyfi fyrir barn:

  • Fæðingarvottorð.

  • Hjúskaparstöðuvottorð, ef barn er 16 ára eða eldra.

  • Gögn til að sýna fram á forsjá (forsjárgögn, skilnaðargögn eða dánarvottorð).

  • Samþykki hins forsjárforeldris, ef barn hefur tvo forsjárforeldra og er að sameinast öðru forsjárforeldrinu á Íslandi.

• Með umsókn um dvalarleyfi fyrir foreldri 67 ára og eldri:

  • Fæðingarvottorð barns umsækjanda, sem óskað er eftir að sameinast á Íslandi.

• Með umsókn um dvalarleyfi fyrir foreldri barns yngra en 18 ára:

  • Fæðingarvottorð barns umsækjanda, sem óskað er eftir að sameinast á Íslandi.

  • Gögn til að sýna fram á forsjá (forsjárgögn, skilnaðargögn eða dánarvottorð).

Ef ofantalin erlend skjöl eru á öðru tungumáli en ensku eða Norðurlandamáli þarf jafnframt að skila staðfestu afriti eða frumriti þýðingar löggilts skjalaþýðanda. Ef þýðing er unnin af skjalaþýðanda sem ekki hefur fengið löggildingu á Íslandi þarf frumrit þýðingarinnar að vera lögformlega staðfest.