Ríkisborgarar ríkja á EES/EFTA-svæðinu þurfa ekki að sækja um dvalarleyfi á Íslandi, óháð öðru ríkisfangi þeirra.

EES/EFTA-borgarar eru ríkisborgarar: Austurríkis, Belgíu, Búlgaríu, Danmerkur, Eistlands, Finnlands, Frakklands, Grikklands, Hollands, Írlands, Ítalíu, Króatíu, Kýpur, Lettlands, Liechtenstein, Litháen, Lúxemborgar, Möltu, Noregs, Portúgals, Póllands, Rúmeníu, Spánar, Slóvakíu, Slóveníu, Sviss, Svíþjóðar, Tékklands, Ungverjalands og Þýskalands.

Ef EES/EFTA-borgarar vilja dvelja á Íslandi lengur en sex mánuði þurfa þeir að skrá sig hjá Þjóðskrá.

Ríkisborgarar Danmerkur (þar með talið Færeyjar, Grænland og Álandseyjar), Finnlands, Noregs og Svíþjóðar skrá sig sem norrænir ríkisborgarar.