Veiðivottorð

• Eru á stöðluðu formi útbúnu af ESB og þeim er ekki hægt að breyta.

• Eru send stafrænt frá kerfi Fiskistofu inn í kerfi ESB, CATCH.

  • Íslenskir útflytjendur þurfa því ekki að skrá sig, né neinar aðrar upplýsingar í TRACES/CATCH kerfi ESB.

• Eru einungis gefin út fyrir afla íslenskra skipa.

• Séu gerð mistök við innslátt upplýsinga er hægt að leiðrétta vottorðið.

Veiðivottorð

• Tengja þarf vöru og fisktegund við löndun.

• Vörur á veiðivottorðum fara í tollflokk fyrir óunnin fisk/hrávöru og notaðir eru fyrstu 6 stafir tollflokksins.

  • Athugið að komi vörur frá vinnsluskipi fara þær í viðeigandi flokk út frá vinnslu vörunnar.

• Sé um unnar fiskafurðir að ræða þarf að útbúa vinnsluvottorð samhliða veiðivottorðinu.

Vinnsluvottorð

• Vinnsluvottorð verður til samhliða veiðivottorði í veiðivottorðakerfinu.

• Á vinnsluvottorð þarf að skrá eftirfarandi upplýsingar:

  • 8 stafa tollflokk út frá vinnslu vörunnar

  • nettóþyngd vöru: þar er þyngd útfluttrar vöru skráð

  • unnið magn: þar er magn hrávöru skráð sem notað var til að framleiða útfluttu vöruna

  • fiskvinnsluna sem vann afurðirnar.

Athugið

Útflytjendur og vinnsluaðilar fiskafurða eru beðnir um að skrá ekkert sjálfir inn í TRACES kerfi ESB til skráningu upplýsinga varðandi útgáfu veiði og vinnsluvottorða.

• Skráning getur leitt til villu sem leiðir til höfnunar veiði- eða vinnsluvottorðs.