Veiðivottorð

Veiðivottorð Fiskistofu eru staðfesting á því að afli sem íslenskar sjávarafurðir eru unnar úr hafi verið veiddur innan íslenska fiskveiðistjórnunarkerfisins.

Evrópusambandið gerir kröfu um veiðivottorð vegna allra innfluttra sjávarafurða auk vinnsluvottorðs fyrir unnin afla. Bandaríkin gera kröfu um veiðivottorð vegna innflutnings á þorski og Japan vegna makríls.

Veiðivottorð eru stöðluð og uppfylla samninga á milli Íslands, Evrópusambandsins, Bandaríkjanna og Japan og þeim er ekki hægt að breyta.

Veiðivottorðakerfið

Sækja þarf um aðgang á netfangið vottord@fiskistofa.is.

Með umsókninni þurfa að fylgja eftirfarandi upplýsingar:

• nafn fyrirtækis

• heimilisfang

• kennitala

• netfang

• símanúmer

Innskráning

• Kerfið aðgengilegt í á vefslóðinni https://vottord.fiskistofa.is

• Innskráning er í gegnum Ísland.is með rafrænum skilríkjum.

• Ef annar en prókúruhafi útbýr vottorðið þarf umboð.

Fyrir notendur með XML-innlestur

• Aðilar sem nota WiseFish (SaaS Microsoft hýsing, útgáfa 26 og nýrri) geta nú útbúið og sent vottorð beint úr kerfinu til Fiskistofu í stað þess að búa til XML.

• Aðrir XML notendur geta tengst vefþjónustu Fiskistofu (API) til að útbúa vottorð úr sínum kerfum.

Vottorðið kostar 230 krónur