Verkefnastyrkir Sviðslistasjóðs

• Atvinnusviðslistahópar.

• Aðrir lögaðilar (t.d. framleiðslufyrirtæki) geta sótt um fyrir atvinnusviðslistahópa.

Umsóknum er skilað gegnum rafrænt umsóknarkerfi Rannís (Mínar síður Rannís), sjá leiðbeiningar. Aðeins er tekið við umsóknum og fylgiskjölum gegnum umsóknarkerfið.

Ferilskrár þátttakenda eiga að fylgja umsókn, teknar saman í eitt PDF skjal eða vísa til þeirra í tenglum.

Önnur gögn til stuðnings umsókn gætu verið staðfestingar frá samstarfsaðilum, handrit og annað slíkt.

Ekki er tekið við fylgigögnum eftir umsóknarfrest, hvort sem þau eru ný eða leiðrétt.

Á síðu 4.3 í umsókn Sviðslistasjóð er hægt að sækja um í launasjóð sviðslistafólks. Umsótt listamannalaun skerða ekki umsótta upphæð úr sviðslistasjóði (nýtt) en ef þeim er úthlutað lækkar möguleg hámarksúthlutun úr sviðslistasjóði sem þeim nemur.

Umsókn má vera á íslensku og ensku.

Tekið er á móti fyrirspurnum í netfanginu svidslistasjodur@rannis.is eða í síma 515 5839 og 515 5838.