Styrkir til vinnustaðanáms eða starfsþjálfunar

Umsóknarfrestur kl. 15:00 að íslenskum tíma.

Markmið styrkja til vinnustaðanáms eða starfsþjálfunar er að hvetja fyrirtæki og stofnanir til að taka við nemendum sem stunda vinnustaðanám sem hluta af námi á framhaldsskólastigi og gera þeim kleift að ljúka tilskildu vinnustaðanámi samkvæmt aðalnámskrá framhaldsskóla. 

Sótt er um fyrir tímabilið 1. nóvember 2025 til 31. október 2026.

• Styrkur fyrir hvern nema er veittur að hámarki til 48 vikna fyrir árið allt, þó aldrei lengur en sem nemur þeim heildartíma sem krafist er í vinnustaðanámi fyrir viðkomandi nám.

• Fjárhæð styrkja ræðst af framlögum á fjárlögum til málaflokksins og eftirspurn.

• Veittir eru styrkir til þeirra sem uppfylla skilyrði og fer upphæð eftir eftirspurn og fjölda umsókna.

• Hámarks vikufjöldi fyrir hvern nema eru 48 vikur á ári.

• Hverjum nema skal fylgja launamiði, síðasti launaseðill ársins eða annars konar gögn sem staðfesta að umsóttar vikur hafi verið unnar á viðkomandi tímabili.

• Hverjum nema skal fylgja undirritaður vinnustaðanámssamningur sem stofnaður hefur verið í rafrænni ferilbók nemandans.