Verkefnastyrkur Þróunarsjóðs námsgagna

Umsóknarfrestur er 15. febrúar ár hvert eða næsta virka dag ef 15. febrúar er frídagur, alltaf klukkan 15: 00 að íslenskum tíma

Þróunarsjóður námsgagna styrkir þróun og útgáfu námsgagna fyrir leikskóla, grunnskóla og framhaldsskóla. Markmið sjóðsins er að stuðla að vönduðu og aðgengilegu námsefni sem styður við fjölbreytta kennslu og nám. Stefna sjóðsins er að styrkt námsgögn verði, eftir því sem við á, gefin út á rafrænu formi og gerð aðgengileg á netinu.

Boðið er upp á tvo styrkjaflokka:

• Þróunarstyrk að fjárhæð allt að 3 milljónum króna.

• Þróunar- og útgáfustyrk að fjárhæð allt að 6 milljónum króna.

Umsókn má vera á íslensku eða ensku.