Fara beint í efnið

Sjúkradagpeningar - framfærsla í veikindum

Umsókn um sjúkradagpeninga

Sjúkradagpeningar greiðast til þeirra sem eru óvinnufær að fullu vegna eigin veikinda eða slysa. Sjúkradagpeningar eru lægri en lágmarkslaun, til að ná framfærsluviðmiðum þarf einnig að sækja um sjúkradagpeninga stéttarfélags eða fjárhagsaðstoð sveitarfélags.

Einnig er hægt nálgast upplýsingar sérstaklega um sjúkradagpeninga tengda heimafæðingum, áfengis- og vímuefnameðferðum eða vegna bótaskyldra vinnuslysa.

Hvernig færð þú sjúkradagpeninga?

Umsóknarferli

Til að fá greidda sjúkradagpeninga þarft þú að:

  1. Athuga hvort þú uppfyllir forsendur greiðslu

  2. Afla nauðsynlegra fylgiskjala
    - fylgiskjöl fara eftir aðstæðum þínum á síðustu tveimur mánuðum fyrir upphaf óvinnufærni

  3. Sækja um sjúkradagpeninga og skila inn fylgigögnum
    - sótt er um rafrænt á Réttindagátt - Mínar Síður
    - einnig má koma undirrituðu umsóknareyðublaði til Sjúkratrygginga Íslands eða umboða sýslumanns utan höfuðborgarsvæðisins

Einfaldast er að hengja fylgigögn við rafræna umsókn þegar sótt er um en einnig má bæta skjölum við rafræna umsókn síðar. Ekki er nauðsynlegt að skila frumriti af fylgigögnum, skönnuð skjöl eða skýrar myndir duga.

Framlenging á samþykktum greiðslum

Skila þarf inn framhaldsvottorði frá lækni.

Ekki þarf að sækja um að nýju til að framlengja. Hægt er að bæta framhaldsvottorði við fyrri umsókn eða senda með öðrum hætti.

Afgreiðslutími umsókna

Umsóknir eru afgreiddar eins fljótt og auðið er og í þeirri röð sem þær berast. Núverandi biðtími er að jafnaði:

  • 4 - 6 vikur fyrir nýjar umsóknir

  • 1 vika eða skemur frá því gögn berast sem kallað var eftir

  • 3 dagar eða skemur að afgreiða ný vottorð til framlengingar umsóknar

Tekið er við fyrirspurnum, ábendingum og gögnum á dagpeningar@sjukra.is

Umsókn um sjúkradagpeninga