Uppsöfnuð réttindi eru greidd út þann dag sem umsókn er samþykkt. Eftir það er að jafnaði greitt á 14 daga fresti út gildistíma vottorðs. Hægt er að sjá áætlun tímabils sem er samþykkt á greiðsluskjölum í stafræna pósthólfinu undir Mínar síður.
Tímabil og upphæðir
Ef réttur er ótvíræður er heimilt að greiða allt að sex mánuði afturvirkt frá því að öll gögn hafa borist. Greitt er frá 15. degi veikinda. Heimilt er að greiða 365 daga á hverjum tveimur árum. Þegar hámarki er náð má leita eftir framfærslu hjá félagsþjónustu sveitarfélags nema réttur sé á endurhæfingarlífeyri frá Tryggingastofnun.
Sjúkradagpeningar eru föst upphæð fyrir hvern dag sem greitt er. Greiddir eru fullir eða hálfir dagpeningar eftir aðstæðum, auk barnaviðbótar fyrir börn undir 18 ára aldri á framfæri umsækjanda.
Athugið að sjúkradagpeningar eru skattskyldir. Ef nýta á persónuafslátt þarf að skrá nýtingu skattkorts undir Skrá persónuafslátt.
Starfsfólki Sjúkratrygginga er ekki heimilt að skrá skattkort fyrir umsækjanda
Fullir eða hálfir dagpeningar
Þú færð fulla dagpeninga
ef þú varst í 100% starfi
ef þú varst í samblöndu af starfi, skóla og bótum frá Vinnumálastofnun sem samvara 100% starfi
Þú færð hálfa dagpeninga
ef þú varst heimavinnandi
ef þú varst í minna en 100% starfi
Umsækjendur sem eiga eingöngu rétt á hálfum dagpeningum geta sótt um að fá greitt fyrir heimilishjálp sem er veitt af öðrum en heimilismönnum. Aldrei er þó greitt meir en sem nemur hálfum dagpeningum til viðbótar fyrir slíka hjálp. Framvísa þarf kvittuðum reikningum með kennitölu móttakanda greiðslu, vinnutíma og upphæð greiddra launa.
Þjónustuaðili
Sjúkratryggingar