Sjúkradagpeningar - framfærsla í veikindum

Mat á rétti

Sjúkradagpeningar greiðast ef þú varst óvinnufær að fullu vegna eigin veikinda í að minnsta kosti 21 dag og eitt af eftirfarandi á við á síðustu tveimur mánuðum fyrir veikindi:

• vera launþegi á Íslandi

  - störf erlendis veita ekki rétt til sjúkradagpeninga

• vera sjálfstætt starfandi á Íslandi

  - við afgreiðslu sjúkradagpeninga er miðað við reiknað endurgjald sem greitt hefur verið tryggingagjald af

  - ef einstaklingur gerir upp skattinn 1x á ári þá þurfa að berast reikningar fyrir útseldri vinnu

• þiggja atvinnuleysisbætur frá Vinnumálastofnun

  - þarf að hafa verið afskráður í veikindum

• vera nemi og hafa orðið fyrir töfum á námi vegna veikindanna

  - miðað er við 75% nám eða meir

  - eða ef nám og hlutastarf jafngilda samanlagt 75% námi eða meir

Ef að ekkert af ofangreindu á við nægir að umsækjandi sé ófær að fullu til heimilisstarfa samkvæmt mati læknis.

Forsendur fyrir greiðslu

Að auki þarft þú að vera:

• sjúkratryggð/ur á Íslandi

• 16 ára eða eldri

• með lögheimili á Íslandi

  - réttur helst í 2 mánuði eftir flutning erlendis

• ekki í fangelsisvist

Umsækjandi má auk þess ekki þiggja samhliða greiðslu sjúkradagpeninga:

• laun frá vinnuveitanda

• greiðslur frá Fæðingarorlofssjóði

• greiðslur frá Vinnumálastofnun

• greiðslur slysadagpeninga

• fullar lífeyrisgreiðslur frá Tryggingastofnun