Hér er myndband sem útskýrir uppgjörsbréfið sem birt verður 11. maí.
Bréf vegna uppgjörs ársins 2025 þegar niðurstaðan er skuld verður nú útskýrt
Byrjum á bls. 1
Gott er að stöðva myndbandið við lestur útskýringa
Heildargreiðslur sem þú fékkst greiddar frá TR árið 2025
Sú upphæð sem þú áttir rétt á að fá greitt frá TR á árinu 2025 samkvæmt skattframtali þínu
Mismunur: það sem eftir stendur þegar búið er að draga frá heildargreiðslur (2) sem þú hefðir átt að fá samkvæmt skattframtali frá upphæðinni (1) sem þú fékkst greidda frá TR á árinu 2025
Staðgreiðslu skatta dregin frá mismuninum (3)
Ef greitt hefur verið inn á skuldina fyrir endurreikning dregst það frá heildarskuld
Þín heildarskuld vegna uppgjörs fyrir árið 2025
Allar greiðslur þínar frá TR eru reiknaður eftir tekjuáætlun. Þegar tekjuáætlun er breytt og tekjur hækkaðar myndast tekjutengd skuld sem ekki kemur til innheimtu fyrr en uppgjör ársins hefur farið fram.
Hér fyrir ofan má sjá dæmi um slíkt og hefur skuld (-227.330 kr) verið tekin með inn í endurreikninginn. Hér að ofan er verið að benda á að búið sé að taka skuldina með í endurreikninginn.
Heildarskuld uppgjörs 2025 til innheimtu er því eingöngu sú upphæð sem þú skuldar vegna uppgjörs 2025 (-153.738 kr).
Ef þú telur forsendur uppgjörs rangar getur þú andmælt.
Forsendur til að byggja andmæli á eru til dæmis:
tekjur í skattframtali þínu eru rangar
þú hefur skilið við maka þinn og telur sameiginlegar fjármagnstekjur rangar
fjármagnstekjur mynduðust eftir andlát á dánarbú og átti ekki að taka með í uppgjör
þú hefur sótt um greiðsluaðlögun hjá Umboðsmanni skuldara
Þú smellir á ,,senda andmæli hér” í bréfinu til að andmæla og smellir á leiðbeiningar um ,,andmæli” í bréfinu til þess að horfa á myndband um hvernig þú berð þig að.
Þú smellir á “skuldar hér” í bréfinu til að greiðsludreifa skuld þinni sjálf/ur og smellir á leiðbeiningar um “greiðsludreifingu” til að horfa á myndband um hvernig þú berð þig að.
Ef þú gerir ekkert er skuld þinni sjálfkrafa dreift á 12 mánuði hjá TR frá og með 1. júní 2026 og bréf um hvernig greiðsludreifingu er háttað, má sjá með því að smella á “greiðsludreifingarbréf hér” í bréfinu.
Hér má sjá útskýringar fyrir bls. 2 Skoðum hana nánar
í dálki A má sjá tekjur þínar í skattframtali fyrir árið 2025 og í dálki B má sjá tekjur sem þú settir í síðustu tekjuáætlun þína hjá TR.
Á skattframtali (dálkur A) má sjá að lífeyrissjóðstekjur þínar voru lægri en gert var ráð fyrir í síðustu tekjuáætlun þinni (dálkur B), sem leiðir til þess að inneign að upphæð 73.592 kr verður til við endurreikning.
Líkt og áður kom fram hafði myndast skuld á árinu upp á 227.330 kr.
TR dregur frá inneign að upphæð 73.592 kr og því lækkar skuld þín í 153.738 kr.
Takk fyrir
Endurútreikningur á lífeyrisgreiðslum þínum frá Tryggingastofnun fer almennt fram í síðari hluta maí ár hvert eftir skil á skattframtali.
Þá er farið yfir hvort þú hafir fengið rétt greitt frá TR á síðasta ári miðað við þín réttindi.
Almennar upplýsingar
Þú færð tilkynningu um niðurstöðu uppgjörs og endurútreiknings á Mínum síðum TR.
Þar getur þú séð hvort þú hafir fengið:
rétt greitt,
of lítið greitt og þú færð mismuninn greiddan í kjölfarið,
Þegar uppgjöri er lokið sendir TR uppfærða launamiða til skattsins með endanlegri niðurstöðu, í kjölfarið endurskoðar skatturinn álagningu ársins.
Andmælaréttur
Ef þú ert ósammála niðurstöðu uppgjörs getur þú sent inn rökstudd andmæli í gegnum Mínar síður TR. Hægt er að senda inn andmæli til og með 27. maí.
Hér er myndband sem sýnir hvernig senda má andmæli.
Ef þú telur niðurstöðu uppgjörs vegna ársins 2025 ranga getur þú andmælt á Mínum síðum TR.
Með því að andmæla ert þú að gera athugasemdir við forsendurnar sem uppgjörið byggir á.
Forsendur til að byggja andmæli á eru meðal annars:
Tekjur sem skráðar eru í skattframtal eru rangar og þú þarft að óska eftir endurupptöku á skattframtali hjá Skattinum.
Þú hefur skilið við maka þinn á árinu og telur að sameiginlegar fjármagnstekjur séu rangar í niðurstöðu uppgjörs.
Fjármagnstekjur mynduðust eftir andlát á dánarbú sem átti ekki að hafa áhrif á niðurstöðu uppgjörs hjá TR.
Sótt hefur verið um greiðsluaðlögun hjá Umboðsmanni skuldara.
Andmæli verða að vera vel rökstudd og skila þarf gögnum sem styðja við þau.
Til að andmæla þarft þú að skrá þig inn á Mínar síður TR með rafrænum skilríkjum.
Smellir á bláa hnappinn.
Á forsíðu á Mínum síðum TR smellir þú á
“Hafa samband”
Andmælafrestur uppgjörs er frá 11. maí til og með 27. maí 2026.
Þú smellir á ,,Uppgjör og tekjuáætlanir”
Þú skrifar andmæli sem eru vel rökstudd. Smellir á „Senda“
Nauðsynlegt er að skila gögnum með andmælunum. Þú ferð aftur á forsíðuna á Mínum síðum TR og smellir þar á „Senda gögn“
Veldu „Uppgjör og innheimta“ undir málaflokk
Veldu „Andmæli við uppgjör – fylgigögn“
Þú hleður upp fylgiskjali
Smellir á „Senda“
Takk fyrir
Kæra niðurstöður uppgjörs
Ef andmælum þínum hefur verið svarað og þú telur enn að niðurstöður uppgjörs séu ekki réttar er mögulegt að kæra niðurstöðurnar til úrskurðarnefndar velferðarmála.
Ef þú færð ekki niðurstöður í maí
Það eru ekki allir greiðsluþegar sem fá uppgjör í maí en ýmsar ástæður fyrir því geta verið að þú fáir uppgjör seinna.
Algengustu ástæður fyrir því eru:
þú ert lífeyrisþegi og býrð í útlöndum,
þú skilaðir skattframtali of seint,
þú hefur ekki skilað skattframtali.
Ef þú vilt nánari skýringar á niðurstöðu uppgjörs getur þú sent okkur erindi í gegnum Mínar síður TR.
