Greiðslur ellilífeyris, örorkulífeyris og sjúkra- og endurhæfingargreiðslna eru tekjutengdar og fer upphæð þeirra eftir þeim tekjum sem koma til samhliða greiðslum TR.

Almenna reglan er sú að réttindi eru reiknuð á ársgrundvelli. Ef að tekjur í tekjuáætlun eru hækkaðar á miðju ári þá er allt árið reiknað að nýju, þar á meðal mánuðirnir sem þegar hafa verið greiddir. Skuld getur myndast vegna þeirra mánaða þegar tekjuáætlun er breytt.

Skuldir sem myndast vegna breytinga á tekjuáætlun eru ekki innheimtar fyrr en að uppgjör ársins hefur farið fram.