19. mars 2025

Aðgangur að Mínum síðum TR með íslykli lokar 20. mars

Nú er ekki lengur hægt að opna Mínar síður TR með íslykli. Þessi ákvörðun er tekin vegna þess að ekki er lengur hægt að styðja við notkun íslykils á Ísland.is vegna alvarlegra veikleika og mikilvægi öruggrar innskráningar. Lokun íslykils er nauðsynleg til að tryggja öryggi viðkvæmra gagna þeirra sem nota þjónustu TR.

17. mars 2025

Áhrif frestunar töku ellilífeyris ef fæðingarár er 1958 eða síðar

Hægt er að fresta töku lífeyris frá Tryggingastofnun, líkt og hjá lífeyrissjóðum og fá hækkun á greiðslum vegna frestunarinnar. Frestunin helst í hendur við töku lífeyris frá lífeyrissjóðum. Eftir að taka lífeyris frá lífeyrirsjóðum er hafin þá er ekki lengur til staðar réttur á hækkun á lífeyri frá TR. Þetta á við þau sem eru fædd árið 1958 eða síðar.

17. mars 2025

Nýtt símkerfi tekið í notkun

Við höfum tekið í notkun nýtt símkerfi með það að markmiði að bæta enn frekar símsvörun og stytta biðtíma þegar hringt er til okkur. Þetta er liður í umbótastarfi Tryggingastofnunar, en til okkar leita fjölmargir símleiðis til að fá aðstoð og upplýsingar. Sem dæmi bárust rúmlega 67.000 símtöl árið 2023 til TR eða um 5.500 á mánuði að jafnaði. Mikilvægt er fyrir okkur að hafa öflugt símkerfi til að sinna viðskiptavinum okkar sem best. Í kjölfar innleiðingarinnar geta orðið einhverjar tafir fyrstu dagana og biðjum við viðskiptavini um að sýna okkur þolinmæði.

27. febrúar 2025

Launamiðar TR 2024 birtir á Mínum síðum

Tryggingastofnun hefur birt á Mínum síðum TR launamiða ársins 2024 fyrir um 77 þúsund einstaklinga með upphæðum sem eru forskráðar á skattframtal ársins 2025. Við vekjum athygli á að ekki er þörf á að breyta forskráðum upphæðum á skattframtali.

20. febrúar 2025

Þetta þarf ekki að vera flókið - kynningarmyndband um ellilífeyri

Þau sem eru að undirbúa umsókn um ellilífeyri frá TR og vilja fá nánari upplýsingar geta hér fyrir neðan nálgast upptöku af kynningu sem var flutt á fræðslufundi TR sem var haldinn var 12. febrúar sl.

3. febrúar 2025

Fræðslufundur 12. febrúar um ellilífeyri

TR býður upp á fræðslufund miðvikudaginn 12. febrúar kl. 16.00 – til 17.30 í Hlíðasmára 11 um ellilífeyrismál. Á fundinum verður farið yfir allt sem snýr að umsóknum um ellilífeyri hjá TR, greiðslufyrirkomulag og fleira.

16. janúar 2025

Rannsókn á örorku kvenna og karla á aldrinum 50 til 66 ára

Tryggingastofnun, Velferðarvaktin, Vinnueftirlitið og félags- og vinnumarkaðsráðuneytið standa saman að rannsókn á örorkulífeyri kvenna og karla á aldrinum 50 til 66 ára.

16. janúar 2025

Álit umboðsmanns Alþingis – Áhrif norskra örorkugreiðslna á örorkulífeyri frá TR

Umboðsmaður Alþingis hefur birt álit sitt í máli nr. 11924/2022 um heimild TR til að lækka örorkulífeyrisgreiðslur vegna örorkugreiðlsna frá NAV (norsku vinnu- og velferðarstofnuninni) á árinu 2019.

23. desember 2024

Greitt á nýársdag

Greiðslur fyrir janúar 2025 verða greiddar fyrsta dag mánaðarins eins og alla aðra mánuði ársins. Hækkun á greiðslum fyrir árið 2025 er 4,3%

20. desember 2024

Ellilífeyrir - almennt frítekjumark hækkar um 46%

Frá 1. janúar nk. mun almennt frítekjumark ellilífeyris og félagslegs viðbótarstuðnings við aldraða hækka um 46%.