Fóstur felst í því að barnaverndarþjónusta feli sérstökum fósturforeldrum umsjá barns í að minnsta kosti 3 mánuði. Markmið fósturs er að tryggja barni uppeldi og umönnun innan fjölskyldu svo sem best hentar þörfum þess. Á vef Barna- og fjölskyldustofu má finna nánari upplýsingar um fóstur.
Hjón og sambýlisfólk skulu sækja um saman.
Fósturleyfi hafa gildistíma að hámarki til fimm ára og sækja þarf um endurnýjun fósturleyfis áður en það rennur út.
Umsóknarferli
Umsækjandi sækir um leyfi til GEV og skilar fylgigögnum
GEV kannar hvort nauðsynlegar upplýsingar og gögn fylgi umsókn
Umsagnarbeiðni er send til Barna- og fjölskyldustofu
Barna- og fjölskyldustofa boðar umsækjanda á námskeið og skilar í framhaldinu umsögn til GEV
GEV tekur ákvörðun í málinu og upplýsir umsækjanda og Barna- og fjölskyldustofu um niðurstöðuna
Fylgigögn með umsókn
Heimild fyrir öflun sakavottorðs allra heimilismeðlima 15 ára og eldri. Prenta þarf út eyðublaðið og fylla það út.
Læknisvottorð frá heimilislækni sem staðfestir líkamlegt og andlegt heilsufar umsækjanda
Skattaskýrslur síðastliðinna tveggja ára. Skýrslurnar má nálgast rafrænt á þjónustuvef Ríkisskattstjóra (ef ný umsókn, annars skattaskýrsla sl. árs ef endurnýjun)
Fósturforeldrar með barn í varanlegu fóstri á grundvelli fósturleyfis frá Barnaverndarstofu
Þann 1. janúar 2022 færðist útgáfa fósturleyfa frá Barnaverndarstofu til GEV. Fósturleyfi útgefin af Barnaverndarstofu eru fallin úr gildi og er nauðsynlegt að sækja um fósturleyfi til GEV að nýju.
Þegar umsækjendur eru með barn/börn í varanlegu fóstri á grundvelli fósturleyfis frá Barnaverndarstofu, sem nú er fallið úr gildi, mun GEV meta hvort tilefni sé til að veita umsækjendum fósturleyfi til bráðabirgða á meðan umsókn um fósturleyfi er til vinnslu. Við mat á því hvort veita eigi bráðabirgðaleyfi skal GEV m.a. líta til hagsmuna notenda og hvort líklegt sé að umsókn um fósturleyfi sé samþykkt.
Svo hægt sé að meta hvort umsækjendum sé veitt bráðabirgðaleyfi á meðan umsókn um fósturleyfi er til vinnslu þarf eftirfarandi að liggja fyrir:
Fósturforeldri þarf að sækja um leyfi til að taka barn í fóstur og taka fram í umsókn að umsækjandi er með barn/börn í varanlegu fóstri á grundvelli fósturleyfis sem útgefið var af Barnaverndarstofu og hvaða barnarverndarþjónusta vistar barnið/börnin.
GEV óskar eftir upplýsingum frá barnaverndarþjónustu um reynslu af fósturráðstöfun.
Lög og reglur sem eiga við um rekstrarleyfið:
-Lög um Gæða- og eftirlitsstofnun velferðarmála nr. 88/2021
-Barnaverndarlög nr. 80/2002
-Reglugerð um fóstur nr. 804/2004
Þjónustuaðili
Gæða- og eftirlitsstofnun velferðarmála