Gæða- og eftirlitsstofnun velferðarmála
Gæða- og eftirlitsstofnun velferðarmála fer með eftirlit með gæðum velferðarþjónustu. Markmiðið er að þjónusta, sem lýtur eftirliti stofnunarinnar, sé traust, örugg og í samræmi við ákvæði laga, reglugerða, reglna, samninga og leiðbeininga.
Fréttir og tilkynningar
Úttekt á þjónustu Foreldrahúss lokið
Úttekt GEV á þjónustu Foreldrahúss sýnir mikla ánægju með þjónustuna og þá heildrænu nálgun sem stuðst er við í starfinu til að bæta stöðu barns og efla foreldra í uppeldishlutverki sínu. Þjónustan er kostnaðarsöm en fjárfesting í snemmtækri íhlutun dregur úr auknum kostnaði fyrir samfélagið síðar meir.
Umtalsverður fjöldi einkaaðila sem sinna akstursþjónustu hefur ekki rekstrarleyfi
Frumkvæðisathugun Gæða- og eftirlitsstofnunar velferðarmála (GEV) á akstursþjónustu fyrir fatlað fólk og eldra fólk á landsvísu leiddi í ljós að umtalsverður fjöldi einkaaðila sem sinna akstursþjónustu var ekki með nauðsynlegt rekstrarleyfi til þess að veita þjónustuna. Sveitarfélög hafa nú verið hvött til þess að gera viðeigandi úrbætur til þess að tryggja að viðkomandi aðilar séu með rekstrarleyfi til þess að veita akstursþjónustuna og hefur hluti þeirra brugðist við nú þegar.