Gæða- og eftirlitsstofnun velferðarmála (GEV) tók til starfa 1. janúar 2022 og starfar samkvæmt lögum nr. 88/2021 um Gæða- og eftirlitsstofnun velferðarmála.

Markmiðið er að þjónusta sem lýtur eftirliti GEV sé traust, örugg og í samræmi við ákvæði laga, reglugerða, reglna, samninga og leiðbeininga.

Stofnunin er óháð í störfum sínum en heyrir undir félags- og vinnumarkaðsráðuneytið.

Hlutverk

• Styrkja undirstöður heildstæðrar þjónustu ríkis og sveitarfélaga.

• Bæta gæði og öryggi þjónustu í samstarfi við þjónstuaðila og notendur.

• Eftirlit með því að þjónusta sé veitt í samræmi við lög og aðþjóðlega sáttmála.
  

Sýn

• Vera mikilvægur hluti af gæða- og eftirlitskerfi opinberrar þjónustu.

• Stuðla að valdeflingu og bættum lífsgæðum einstaklinga.

• Stuðla að aðgengilegri og öruggri þjónstu sem kemur til móts við persónulegar þarfir hvers og eins.

• Líta til þekkingar og reynslu systurstofnana.

• Leggja áherslu á notkun sannreyndra mælitækja í eftirliti með þjónustu.
  

Gæða- og eftirlitsstofnun velferðarmála hefur eftirlit með gæðum þjónustu sem er veitt á grundvelli eftirfarandi laga:

• Barnaverndarlög

• Lög um samþættingu þjónustu í þágu farsældar barna

• Lög um félagsþjónustu sveitarfélaga

• Lög um þjónustu við fatlað fólk með langvarandi stuðningsþarfir

• Lög um málefni aldraðra

• Lög um Barna- og fjölskyldustofu

• Lög um Ráðgjafar- og greiningarstöð

• Lög um þjónustu- og þekkingarmiðstöð fyrir blinda, sjónskerta og einstaklinga með samþætta sjón- og heyrnarskerðingu