Helstu verkefni Gæða- og eftirlitsstofnunar velferðarmála eru að:

• þróa gæðaviðmið á grundvelli bestu mögulegu þekkingar á málaflokkum á verkefnasviði stofnunarinnar

• veita rekstrarleyfi og hafa eftirlit með því að skilyrði rekstrarleyfa séu uppfyllt

• hafa eftirlit með gæðum þjónustu og sinna öðrum eftirlitsverkefnum

• taka á móti og vinna úr kvörtunum frá notendum þjónustu

• safna upplýsingum, halda skrár og vinna úr upplýsingum frá þeim sem lúta eftirliti stofnunarinnar

• sinna öðrum verkefnum sem stofnuninni eru falin samkvæmt ákvörðun ráðherra

• gefa út leyfi frá Barnaverndarstofu og Gæða- og eftirlitsstofnun félagsþjónustu og barnaverndar

Eftirlitsskylda annarra aðila

Allir sem veita þjónustu sem lýtur eftirliti Gæða- og eftirlitsstofnunar velferðarmála skulu hafa virkt innra eftirlit með starfsemi sinni.

Eftirlit GEV kemur ekki í stað eftirlits sem öðrum stjórnvöldum er falið í lögum og leysir því ekki önnur stjórnvöld undan skyldum sínum til eftirlits með starfsemi á vegum stjórnvaldsins, hvort sem um er að ræða:

• þjónustu sem stjórnvaldið rekur

• þjónustu sem rekin á grundvelli samnings við þriðja aðila