Leit í gögnum Þjóðskjalasafns Íslands

Þjóðskjalasafn Íslands varðveitir opinber skjöl og fjölbreytt einkaskjalasöfn sem varpa ljósi á sögu íslensks samfélags, stjórnsýslu og einstaklinga. Safnið gegnir lykilhlutverki í að tryggja að almenningur, fræðafólk og nemendur hafi aðgang að heimildum um fortíðina.

Í safninu er hægt að fá aðgang að margvíslegum heimildum, meðal annars:

• skjölum frá opinberum aðilum,

• manntalsskjölum, kirkjubókum og öðrum sögulegum skráningargögnum ,

• dómabókum, þingbókum og öðrum skjölum frá dómstólum og sýslumannsembættum,

• ýmsum einkaskjalasöfnum einstaklinga, félaga og fyrirtækja, svo sem bréf, dagbækur og fundargerðir,

• sögulegum kortum, uppdráttum og teikningum,

• ýmsum stafrænum skjölum og gagnagrunnum sem gerðir hafa verið aðgengilegir á vef safnsins.

Aðgangstakmarkanir

Mikilvægt er þó að hafa í huga að aðgangur að sumum skjölum er takmarkaður vegna persónuverndar og laga um opinber skjalasöfn. Ekki eru öll skjöl gerð opin og aðgengileg strax. Almennt eru helstu viðmið:

• Almenn opinber skjöl verða yfirleitt aðgengileg við 30 ára aldur.

• Skjöl með viðkvæmum persónuupplýsingum geta verið lokuð í 80 ár.

• Sjúkragögn eru almennt lokuð í 100 ár.

• Einstaklingar geta fengið aðgang að gögnum sem varða þá sjálfa.