Um þjónustu Þjóðskjalasafns gildir gjaldskrá nr. 1307/2025 sem tók gildi 1. janúar 2026.

Eftirfarandi gjöld fyrir þjónustu Þjóðskjalasafns gilda frá og með 1. janúar 2026, samanber 10. gr. gjaldskrárinnar.

Athugið að gjöld eru eingöngu innheimt með rafrænum greiðslukröfum sem sendar eru í heimabanka.

Upplýsingaþjónusta

Gjald fyrir ljósritun og afritun gagna úr safnkosti

Gjald fyrir aukna rannsóknarþjónustu

Með aukinni rannsóknarþjónustu er átt við aðstoð sem sérfræðingur Þjóðskjalasafns veitir umfram lögbundna grunnþjónustu, svo sem við ítarleit að tilteknum upplýsingum eða rannsókn vegna tiltekinnar fyrirspurnar.

Gjald fyrir kostnað sem fellur til við að veita aðgang að þrotabúum og öðrum óskráðum og óflokkuðum skjalasöfnum

Afhendingarskyldir aðilar

Gjald fyrir móttöku, frágang og flutning skjalasafna afhendingarskylds aðila sem hefur hætt starfsemi eða verið lagður niður

Séu skjalasöfn afhendingarskyldra aðila, sem hafa hætt starfsemi eða verið lagðir niður, ekki frágengin og skráð samkvæmt reglum þar um mun Þjóðskjalasafn taka gjald fyrir móttöku, flutning, frágang og skráningu skjalanna, hvort sem þau eru á rafrænu formi eða á pappír.

Gjald fyrir varðveislu pappírsskjala afhendingarskyldra aðila sem eru yngri en 30 ára

Fyrir varðveislu pappírsskjala afhendingarskyldra aðila sem eru yngri en 30 ára gömul tekur Þjóðskjalasafn Íslands gjald samkvæmt gjaldskrá safnsins. Í 8. mgr. 15. gr. laga um opinber skjalasöfn er kveðið á um heimild safnsins til að taka gjald fyrir varðveislu skjala sem eru yngri en 30 ára gömul. Áður en kemur að afhendingu á pappírsskjölum sem eru yngri en 30 ára gömul er reiknað út hvert gjaldið verður og gert samkomulag um greiðslu gjaldsins við afhendingarskyldan aðila.

Athygli er vakin á því að samkvæmt 2. mgr. 5. gr. gjaldskrár Þjóðskjalasafns Íslands skal vörslukostnaður fyrir pappírsskjöl sem eru yngri en 30 ára frá afhendingarskyldum aðilum sem hafa verið lagðir niður greiddur af því ráðuneyti eða sveitarfélagi sem viðkomandi aðili heyrði undir.

Gjald fyrir varðveislu skjala sveitarfélaga og ráðgjöf um skjalahald og eftirlit vegna skjala sem sveitarfélög afhenda

Fyrir varðveislu pappírsskjala sveitarfélaga tekur Þjóðskjalasafn gjald en samkvæmt 5. mgr. 14. gr. laga um opinber skjalasöfn eiga sveitarfélög að greiða Þjóðskjalasafni gjald fyrir varðveislu skjala.

Gjald fyrir miðlun efnis frá sveitarfélagi sem ekki starfrækir héraðsskjalasafn

Gjald fyrir varðveislu og eyðingu á skjölum þrotabúa

Þrotabú skulu greiða Þjóðskjalasafni Íslands árlegt vörslugjald fyrir hvern hillumetra skjala sem safnið varðveitir í sjö ár og eyðingu skjalanna að þeim tíma loknum. Vörslugjald greiðst í einu lagi fyrir sjö ár frá skiptalokum þegar safnið er afhent Þjóðskjalasafni til vörslu.

Héraðsskjalasöfn

Gjald fyrir móttöku skjala, vörslu þeirra og meðferð þegar héraðsskjalasafn hættir starfsemi