Gagnreynd heilsa

Gagnreynd heilsa er verkefni á landsvísu um þróun, staðfærslu, innleiðingu og viðhald klínískra leiðbeininga, gæðastaðla og gæðavísa á Íslandi.

Embætti landlæknis og heilbrigðisráðuneytið vinna með NICE International og öðrum samstarfsaðilum að uppbyggingu Gagnreyndrar heilsu á Íslandi.

Gagnreynd heilsa er eining innan embættis landlæknis og samstarfsverkefni sem er ætlað að stuðla að samræmdri og gagnreyndri heilbrigðisþjónustu á Íslandi. Það er gert með þróun, utanumhaldi, reglulegi uppfærslu og innleiðingu klínískra leiðbeininga, gæðastaðla og gæðavísa ásamt staðfærslu að íslenskum aðstæðum.

Markmið verkefnisins er að:

Styðja við gagnreynda ákvarðanatöku
Draga úr óæskilegum breytileika í þjónustu
Bæta árangur og öryggi sjúklinga
Styðja við skilvirka nýtingu fjármuna og annarra auðlinda heilbrigðiskerfisins

Gagnreynd heilsa er langtímaverkefni sem miðar að því að byggja upp sjálfbæra umgjörð um klínískar leiðbeiningar, gæðastaðla og gæðavísa til nota í heilbrigðisþjónustu á Íslandi. Markmiðið er að þróa ferli til forgangsröðunar nýrra viðfangsefna og styðja við uppbyggingu fleiri verkefna á komandi árum.

Sykursýki af tegund 2

Fyrsta viðfangsefni Gagnreyndrar heilsu er staðfærsla klínískra leiðbeininga NICE um meðferð fullorðinna einstaklinga með sykursýki af tegund 2 ásamt þróun gæðastaðla og gæðavísa sem þeim tengjast.

Þetta verkefni markar upphaf vinnu Gagnreyndrar heilsu við þróun og innleiðingu klínískra leiðbeininga, gæðastaðla og gæðavísa á Íslandi. Reynslan af þessu fyrsta verkefni mun nýtast við áframhaldandi uppbyggingu starfsemi Gagnreyndrar heilsu og undirbúning fyrir þróun og innleiðingu fleiri verkefna á komandi árum.