Áfengisleyfi - framleiðsla, innflutningur eða sala áfengis
Áfengisleyfi eru nokkur:
Skilyrði
Til að fá áfengisleyfi þarf viðkomandi að hafa leyfi til tollfrjálsrar verslunar eða stunda í atvinnuskyni eitt af eftirtöldu
Innflutning og/eða heildsölu.
Framleiðslu áfengra drykkja.
Veitingarekstur í atvinnuskyni og hafi til þess leyfi til áfengisveitinga skv. lögum um nr. 85/2007 um veitingastaði, gististaði og skemmtanahald.
Umsækjandi þarf einnig að:
Hafa tilkynnt ríkisskattstjóra um atvinnustarfsemi sína og verið færður á fyrirtækjaskrá
Hafa tilkynnt ríkisskattstjóra um starfsemina samkvæmt lögum um virðisaukaskatt
Aldursskilyrði
Ef umsækjandi er einstaklingur þá þarf hann að vera orðinn 20 ára
Ef umsækjandi er félag með ótakmarkaða ábyrgð þurfa eigendur og framkvæmdastjóri félagsins að vera orðnir 20 ára.
Ef umsækjandi er félag með takmarkaða ábyrgð þurfa allir stjórnarmenn og framkvæmdastjóri félagsins að vera orðnir 20 ára.
Gildistími
Áfengisleyfi sem gefið er út til umsækjanda í fyrsta sinn gildir í eitt ár.
Ef leyfið er endurnýjað er gildistími þess ótímabundinn.
Umsóknarferli
Útgefin leyfi eru bundin við nafn og kennitölu leyfishafa. Sækja þarf um nýtt leyfi ef:
nýr aðili tekur við rekstrinum
starfsemin er flutt í annað húsnæði
Ef flytja á starfsemina í annað umdæmi þarf að sækja um nýtt leyfi í því umdæmi.
Fylgigögn
Vottorð fyrirtækjaskrár (ef umsækjandi er lögaðili)
Staðfest VSK númer
Afrit af starfsleyfi heilbrigðisnefndar
Reglur og refsingar
Ef leyfishafi vanrækir skyldur sínar eða uppfyllir ekki þau skilyrði sem gilda um reksturinn veitir sýslumaður honum skriflega áminningu.
Áminningin gildir í tvö ár og verði leyfishafi uppvís að frekari vanrækslu á meðan áminningin er í gildi verður hann sviptur leyfinu um ákveðinn tíma.
Brot á áfengislögum og reglum varða sektum eða fangelsi í allt að sex ár.
Lögreglustjórar í hverju umdæmi hafa eftirlit með starfsemi leyfishafa ásamt ríkisskattstjóra og tollstjóra.
Þjónustuaðili
Sýslumenn