Við starfslok skal gera upp við starfsmann ótekið orlof sem og áunnið en ógjaldfallið orlof. Ekki er heimilt að bæta orlofi aftan við starfslok, enda búið að binda endi á ráðningarsamband starfsmanns og stofnunar.

Við orlofsuppgjör þarf að reikna út áunninn orlofsrétt í vinnuskyldustundum talið.

Vinnuskyldustundirnar eru umreiknaðar yfir í mánuði (meðalfjöldi vinnuskyldustunda í mánuði er 40 x 52 : 12 = 173,33) og sú tímaeining greidd á launum síðasta mánaðar í starfi, þ.e. almennt mánaðarlaunum fyrir dagvinnu.