Vinnutími og viðvera | Mannauðstorg ríkisins

Mannauðstorg ríkisins: Vinnutími og viðvera

Launalaust leyfi

Starfsfólk getur óskað eftir launalausu leyfi af ýmsum ástæðum, bæði faglegum ástæðum sem persónulegum. Meta þarf óskir starfsfólks út frá verkefnum þeirra, þörf og möguleikum til að fá afleysingu í þeirra stað, starfsemi stofnunar, tímalengd leyfis og ýmsu öðru. Ákvörðun um launalaust leyfi er í höndum forstöðumanns stofnunar.

Er skylt að veita launalaust leyfi frá störfum óski starfsmaður þess?

Almennt er ekki skylt að verða við ósk starfsmanns um launalaust leyfi. Frá þessu kunna þó að vera undantekningar í kjarasamningi eða lögum, samanber eftirfarandi dæmi:

Komi starfsmaður úr öðru starfi án þess að hafa þar notið áunnins orlofs, þá á hann rétt á ólaunuðu orlofi í allt að 30 daga (oft gr. 4.6.4 í kjarasamningum).
Bjóðist starfsmanni tækifæri og/eða styrkur til að vinna að tilteknu verkefni tengdu starfi hans kann hann að eiga rétt á launalausu leyfi, samanber ákvæði í kjarasamningi (oft gr. 10.2). Slíkt leyfi skal tekið í samráði við forstöðumann stofnunar.
Starfsmaður kann að eiga rétt á foreldraorlofi til að annast barn sitt samkvæmt lögum um fæðingar- og foreldraorlof.
Hafi starfsmaður verið kjörinn á þing á hann rétt á launalausu leyfi í allt að fimm ár, samanber 4. gr. laga um þingfararkaup alþingismanna og þingfararkostnað.
Hafi starfsmaður fengið starf hjá samnorrænni stofnun, skrifstofu ráðherranefndar Norðurlanda eða stjórnarnefnd Norðurlandaráðs á hann rétt á launalausu leyfi til allt að átta ára samanber gr. 11 í lögum um réttarstöðu skrifstofu ráðherranefndar Norðurlanda.
Sérstakar reglur gilda um launalaus leyfi lögreglumanna samkvæmt gr. 10.2.2. í kjarasamningi þeirra.

Mikilvægt er að ganga skriflega frá launlausu leyfi með skýrum dagsetningum þannig að ljóst sé hvað var ákveðið og að auðvelt sé að færa sönnur á það ef til ágreinings kemur.

Launakerfið Orri – Vinnustund. Mikilvægt er að skrá launalaust leyfi starfsmanns. Launategund - Mánaðarlaun launalaust leyfi

Það eru engar almennar reglur um lengd launalauss leyfis. Ákvarðanir varðandi lengd launalausra leyfa eru því undir hlutaðeigandi stofnun komnar nema í þeim undantekningartilvikum þegar það er sérstaklega tiltekið í lögum, kjarasamningum eða öðrum reglum.

Almennt verður að telja óæskilegt að veita launalaust leyfi frá störfum til lengri tíma en 12 mánaða. Í því sambandi er meðal annars rétt að hafa í huga að það getur verið vandkvæðum bundið að manna störf í slíkum tilvikum, með tilliti til auglýsingaskyldu og fleira, auk þess sem slíkt kostar oft tíma og fjármuni.

Ef starfsmanni er veitt launalaust leyfi frá störfum er áríðandi að leyfið sé veitt í tiltekinn tíma þannig að ljóst sé hvenær starfsmaður byrjar í leyfi og hvenær hann á að mæta aftur til starfa.

Starfsmaður í launalausu leyfi á ekki rétt til launagreiðslna vegna veikinda eða slyss meðan á leyfinu stendur. Ef starfsmaður er veikur þegar launalausa leyfinu lýkur og hann hyggst koma til starfa á ný á hann rétt á veikindalaunum hafi hann áunnið sér þau áður en hann fór í leyfið. Sé starfsmaður veikur þegar kemur að launalausu leyfi falla launagreiðslur niður. Launalaust leyfi telst ekki til starfstíma við mat á veikindarétti.

Starfsmaður ávinnur sér ekki orlof í launalausu leyfi. Á sama hátt getur hann ekki verið í launuðu orlofi á meðan hann er í launalausu leyfi.

Tengt efni

Fjarvera vegna áfengismeðferðar

Finnurðu ekki það sem þig vantar?

Hvernig getum við aðstoðað?

Mannauðstorg ríkisins

Ábyrgðaraðilar síðunnar eru Kjara- og mannauðssýsla ríkisins og Mannauðs- og launasvið Fjársýslu ríkisins.

Launalaust leyfi

Er skylt að veita launalaust leyfi vegna áfengis- eða vímefnameðferðar?

Lengd launalauss leyfis

Veikindi og orlof í launalausu leyfi

Tengt efni

VinnutímiLengd vinnuvikunnar og skipulag, betri vinnutími, hvíldartími, námsleyfi og launalaust leyfi

Orlof Réttindi starfsfólks til orlofs, ávinnsla og lengd orlofs, orlofslaun, orlofsfé og uppgjör orlofs við starfslok

Fæðingar- og foreldraorlof Réttindi starfsfólks í fæðingar- og foreldraorlofi

SorgarleyfiRéttindi starfsfólks í sorgarleyfi

VeikindarétturVeikindaréttur, viðbótarréttur vegna vinnuslysa eða atvinnusjúkdóma, tilkynning veikinda og endurkoma eftir veikindi

Finnurðu ekki það sem þig vantar?