Heilsa, öryggi og vinnuumhverfi | Mannauðstorg ríkisins

Mannauðstorg ríkisins: Heilsa, öryggi og vinnuumhverfi

Kynferðisleg áreitni, kynbundin áreitni, kynbundið ofbeldi og annað ofbeldi

Kynferðisleg áreitni, kynbundin áreitni, ofbeldi og kynbundið ofbeldi er alvarlegt vandamál sem komið getur upp á vinnustöðum og stjórnendum ber skylda til að taka á. Slík hegðun er ekki eingöngu siðferðilega ámælisverð heldur getur verið lögbrot. Gildir þá einu hver á í hlut; forstöðumaður, samstarfsfólk eða einstaklingur sem starfsmaður hefur samskipti við vegna starfs síns.

Vinnueftirlitið hefur eftirlit með framkvæmd áhættumats og reglugerðar um aðgerðir gegn einelti, kynferðislegri áreitni, kynbundinni áreitni og ofbeldi á vinnustöðum. Það hefur gefið út ýmiss konar leiðbeiningar og haldið námskeið um forvarnaáætlanir og áhættumat sem og um einelti, áreiti, kynferðislega áreitni og viðbrögð við því.

Eitt af markmiðum jafnréttislaganna er að vinna gegn kynferðislegri áreitni, kynbundinni áreitni og kynbundnu ofbeldi.

Á vef Jafnréttisstofu er að finna hagnýtar upplýsingar og leiðbeiningar um fyrirbyggjandi aðgerðir gegn kynbundnu ofbeldi, kynbundinni áreitni og kynferðislegri áreitni.

Í lögum um jafna stöðu og jafnan rétt kynjanna er kynferðisleg áreitni skilgreind sem:

Hvers kyns kynferðisleg hegðun sem hefur þann tilgang eða þau áhrif að misbjóða virðingu þess sem fyrir henni verður, einkum þegar hegðunin leiðir til ógnandi, fjandsamlegra, niðurlægjandi, auðmýkjandi eða móðgandi aðstæðna. Hegðunin getur verið orðbundin, táknræn og/eða líkamleg.

Nánar er fjallað um kynferðislega áreitni og birtingarmyndir hennar á vef Vinnueftirlitsins. Þar er einnig að finna verkfæri fyrir atvinnurekendur og starfsfólk.

Í lögum um jafna stöðu og jafnan rétt kynjanna er kynbundin áreitni skilgreind sem:

Hegðun sem tengist kyni þess sem fyrir henni verður og hefur þann tilgang eða þau áhrif að misbjóða virðingu viðkomandi og skapa aðstæður sem eru ógnandi, fjandsamlegar, niðurlægjandi, auðmýkjandi eða móðgandi fyrir viðkomandi.

Nánar er fjallað um kynbundna áreitni og birtingarmyndir hennar á vef á Vinnueftirlitsins.

Í reglugerð um aðgerðir gegn einelti, kynferðislegri áreitni, kynbundinni áreitni og ofbeldi á vinnustöðum, er ofbeldi skilgreint sem:

Hvers kyns hegðun sem leiðir til, eða gæti leitt til, líkamlegs eða sálræns skaða eða þjáninga þess sem fyrir því verður, einnig hótun um slíkt, þvingun eða handahófskennda sviptingu frelsis.

Ofbeldi getur verið annað hvort andlegt eða líkamlegt.

Nánar er fjallað um ofbeldi og birtingarmyndir þess á vef á Vinnueftirlitsins.

Tengt efni

Lög um jafna stöðu og jafnan rétt kynjanna

Reglugerð um aðgerðir gegn einelti, kynferðislegri áreitni, kynbundinni áreitni og ofbeldi á vinnustöðum.

Vinnueftirlitið

Jafnréttisstofa

Finnurðu ekki það sem þig vantar?

Hvernig getum við aðstoðað?

Mannauðstorg ríkisins

Ábyrgðaraðilar síðunnar eru Kjara- og mannauðssýsla ríkisins og Mannauðssvið Fjársýslunnar.

Kynferðisleg áreitni, kynbundin áreitni, kynbundið ofbeldi og annað ofbeldi

Kynferðisleg áreitni

Kynbundin áreitni

Kynbundið ofbeldi

Ofbeldi

Tengt efni

Vernd uppljóstraraReglur um verklag við uppljóstrun starfsmanna um lögbrot eða aðra ámælisverða háttsemi

Aðbúnaður og hollustuhættirVinnuumhverfið, vinna ungmenna, augn- og skjávernd, tjón á persónulegum munum, vinnuföt og verkfæri

Vinnuslys, atvinnusjúkdómar og atvinnutengdir sjúkdómarStofnun ber ábyrgð á að tilkynnina um vinnuslys en starfsfólk tilkynnir um atvinnusjúkdóm eða atvinnutengdan sjúkdóm.

Einelti, kynferðisleg áreitni, kynbundin áreitni, kynbundið ofbeldi og annað ofbeldiStjórnendum ber skylda til að taka á einelti, kynferðislegri áreitni, kynbundinni áreitni, kynbundnu ofbeldi og öðru ofbeldi sem komið getur upp á vinnustöðum.

Öryggisnefnd, öryggistrúnaðarmaður og öryggisvörðurÁ vinnustöðum þar sem starfa fleiri en 10 eiga að vera til staðar öryggistrúnaðarmaður og öryggisfulltrúi. Þegar fleiri ein 50 starfa á einum vinnustað skal stofna öryggisnefnd.

Finnurðu ekki það sem þig vantar?