Uppbyggingarsjóður EES

Ekki er sótt um styrki hjá Rannís.

Hvert viðtökuríki setur fram og rekur sína áætlun. Það þýðir að formlega verða fyrirtæki og stofnanir í þessum löndum að vera í forsvari fyrir umsókn um styrk til stjórnvalda í sínu landi. Í samræmi við stefnuskrá sjóðsins er skilyrði fyrir styrkveitingu að verkefnið sé a.m.k. tvíhliða, þ.e. þátttaka stofnana frá einu eða fleirum EFTA ríkja er skilyrði. Tekið skal fram að kostnaður stofnana frá EFTA ríkjum er greiddur í samræmi við þátt þeirra í verkefnunum og verðlag í viðkomandi ríki.

Umsóknir eru lagðar fram í gegnum umsóknarkerfi viðkomandi viðtökuríkis eða í gegnum vef Uppbyggingarsjóðs EES þar sem opin köll eru auglýst.