Öndvegisstyrkur

Öndvegisstyrkir eru ætlaðir rannsóknarhópum til umfangsmikilla rannsóknarverkefna sem eru líkleg til að skila íslenskum rannsóknum í fremstu röð á alþjóðavettvangi. Gert er ráð fyrir að auk verkefnisstjóra (PL) og aðalrannsakenda (PI) séu einnig meðumsækjendur (Co-proposers). Þjálfun ungra vísindamanna með þátttöku framhaldsnema og/eða nýdoktora er lykilatriði í öndvegisverkefnum. 

Gerðar eru auknar kröfur til verkefnisstjóra öndvegisverkefna um reynslu af stjórnun rannsóknarverkefna. 

Ekki er hægt að vera verkefnisstjóri eða aðalrannsakandi (PL/PI) á fleiri en einni umsókn um öndvegisstyrk. 

Hafi verkefnisstjóri (PL) eða aðalrannsakandi (PI) hlotið öndvegisstyrk áður, verður því öndvegisverkefni að vera lokið og lokaskýrsla samþykkt áður en hægt er að ganga frá samningi vegna nýs öndvegisstyrks. Hafi það ekki gerst 1. apríl eftir úthlutun, fellur nýi styrkurinn niður. 

Hafi verkefnisstjóri (PL) eða aðalrannsakandi (PI) hlotið öndvegisstyrk úr Rannsóknasjóði í síðustu úthlutun getur viðkomandi ekki sótt um verkefnisstyrk. 

Umsóknir um öndvegisstyrki fara í gegnum tveggja þrepa ferli. Fyrst meta fagráð og raða umsóknum í forgangsröð. Stjórn boðar fulltrúa efstu umsókna til samtals og tekur í kjölfarið ákvörðun um styrkveitingu. Veittur er takmarkaður fjöldi öndvegisstyrkja á ári. 

Hægt er að sækja um laun, rekstrarkostnað, ferðakostnað, birtingarkostnað og kostnað vegna tækjakaupa og aðkeyptrar þjónustu. Öndvegisstyrkir eru veittir í allt að 36 mánuði.

Vísað er til handbókar Rannsóknasjóðs.