Húsnæðis-, mannvirkja- og skipulagsstofnun (HMS) staðfesti 28. september 2026 breytingu á aðalskipulagi Grímsnes- og Grafningshrepps 2020-2032 sem samþykkt var í sveitarstjórn 10. júlí 2026.

Í breytingunni felst skilgreining á tæplega 1.400 ha skógræktar- og landgræðslusvæði SL18 í landi Villingavatns vegna áforma um ræktun nytjaskógar og landgræðslu. Skilgreind eru opin svæði umhverfis Villingavatn (OP9) og meðfram vatnsbakka Þingvallavatns (OP10). Frístundabyggð F6 minnkar um 25 ha en fjöldi lóða er óbreyttur. Landbúnaðarsvæði L2 og óbyggt svæði ÓB1 minnka sömuleiðis.

Málsmeðferð var samkvæmt 1. mgr. 36. gr. skipulagslaga nr. 123/2010.

B deild — Útgáfudagur: 12. október 2026