Austvaðsholt 2, deiliskipulag.

Sveitarstjórn Rangárþings ytra samþykkti 12. ágúst 2026 tillögu að deiliskipulagi fyrir Austvaðsholt 2. Í undirbúningi er bygging á nýju íbúðarhúsi á jörðinni þar sem skipt verði út landskika þar sem gert yrði ráð fyrir íbúðarhúsi, bílskúr, skemmu, gestahúsi, gróðurhúsi og e.t.v. húsi til útleigu fyrir ferðamenn í samræmi við gildandi ákvæði aðalskipulags. Útbúin verður lóð fyrir núverandi íbúðarhús og gert ráð fyrir gróðurhúsi og skemmu ásamt gestahúsi. Aðkoma að svæðinu er af Bjallavegi (272). Tillagan hefur hlotið skipulagsmeðferð í samræmi við skipulagslög nr. 123/2010 og öðlast þegar gildi.

B deild — Útgáfudagur: 12. október 2026