1. gr.

Við upptalningu kennslugreina í 1. mgr. 94. gr. reglna nr. 569/2009, á eftir málsliðnum „Til MS-prófs í stjórnun og stefnumótun“, bætist við nýr málsliður, svohljóðandi: Til MS-prófs í verkefnastjórnun.

2. gr.

Í 2. málslið b-liðar 1. mgr. 109. gr., á undan orðinu „nytjaþýðingum“, bætist við orðið: annarsmálsfræðum.

3. gr.

Í 2. málslið b-liðar 1. mgr. 113. gr., á undan orðinu „nytjaþýðingum“, bætist við orðið: annarsmálsfræðum.

4. gr.

1. mgr. 126. gr. orðast svo:

Jarðvísindadeild veitir kennslu og þjálfun sem hér segir:

1. Til BS-prófs í jarðeðlisfræði og jarðfræði.
2. Til meistaraprófs, MS-prófs, í jarðeðlisfræði, jarðfræði og jarðvísindum.
3. Til doktorsprófs, Ph.D.-prófs, í jarðeðlisfræði, jarðfræði og jarðvísindum.
4. Enn fremur veitir deildin kennslu til meistaraprófs í umhverfis- og auðlindafræði og öðrum þverfræðilegum greinum í samvinnu við aðrar háskóladeildir, þar sem nauðsynleg aðstaða er fyrir hendi.

5. gr.

Reglur þessar, sem samþykktar hafa verið í háskólaráði Háskóla Íslands, eru settar á grundvelli 7. gr. laga nr. 85/2008 um opinbera háskóla og öðlast þegar gildi.

Háskóla Íslands, 23. nóvember 2015.

Jón Atli Benediktsson.

Þórður Kristinsson.

B deild - Útgáfud.: 8. desember 2015