Deiliskipulag fyrir Háls – óveruleg deiliskipulagsbreyting.

Bæjarstjórn Grundarfjarðarbæjar samþykkti 11. desember 2025 óverulega deiliskipulagsbreytingu í landi Háls, skv. 2. mgr. 43. gr. skipulagslaga nr. 123/2010.

Í gildi er deiliskipulag Háls sem upphaflega var samþykkt í bæjarstjórn 13. júní 2013 og staðfest með auglýsingu nr. 728/2013 í B-deild Stjórnartíðinda.

Deiliskipulagsbreytingin felur í sér að aðkomu, byggingarreitum og byggingarskilmálum er breytt á Sólbakka, lóð B. Hesthús og frístundahús verða að gistihúsum. Á Sólbakka, lóð A, færast byggingarreitir til og frístundahúsi er breytt í einbýli. Breytingin felur ekki í sér aukið byggingarmagn og er í samræmi við aðalskipulag Grundarfjarðarbæjar 2019-2039.

Deiliskipulagsbreytingin öðlast þegar gildi.

B deild — Útgáfudagur: 10. febrúar 2026