Í samræmi við skipulagslög nr. 123/2010 hefur sveitarstjórn Hrunamannahrepps samþykkt eftirfarandi deiliskipulagsáætlun:

Deiliskipulag, Birkibyggð, skilgreining íbúðarbyggðar.

Um er að ræða nýtt deiliskipulag sem tekur til Birkibyggðar. Í deiliskipulaginu felst að settir eru skilmálar fyrir íbúðarbyggð í Birkibyggð í samræmi við ákvæði aðalskipulagsbreytingar, þar sem svæðinu var breytt úr frístundabyggð í íbúðarbyggð ÍB12 í dreifbýli. Umsagnir bárust á auglýsingatíma og eru þær lagðar fram við afgreiðslu málsins ásamt viðbrögðum við þeim og uppfærðum gögnum. Einnig bárust athugasemdir frá Húsnæðis-, mannvirkja- og skipulagsstofnun sem eru lagðar fram við afgreiðslu.

Samþykkt í sveitarstjórn 17. september 2026.

Ofangreind deiliskipulagsáætlun hefur hlotið þá meðferð sem skipulagslög mæla fyrir um og öðlast þegar gildi.

B deild — Útgáfudagur: 8. október 2026