1. gr.

Heiti reglnanna, sem settar voru 18. maí 2010, breytist og verður:

Reglur um Stofnun rannsóknasetra Háskóla Íslands.

2. gr.

Yfirskrift 8. gr. breytist og verður:

Forstöðumaður Stofnunar rannsóknasetra og aðrir starfsmenn.

3. gr.

Yfirskrift 9. gr. breytist og verður:

Forstöðumenn rannsóknasetra.

4. gr.

Orðin „Stofnun fræðasetra“ í 1. mgr. 1. gr., 3. mgr. 8. gr., 1. mgr. 9. gr. og 2. mgr. 11. gr. breytast og verða (í viðeigandi beygingarfalli): Stofnun rannsóknasetra.

5. gr.

Orðin „rannsókna- og fræðasetur“ í 1. og 2. mgr. 3. gr., 5. mgr. 7. gr., 2. mgr. 8. gr., 1. og 2. mgr. 9. gr. og 3. mgr. 11. gr. breytast og verða (í viðeigandi beygingarfalli): rannsóknasetur.

6. gr.

Reglur þessar, sem samþykktar hafa verið í háskólaráði Háskóla Íslands, eru settar á grundvelli laga nr. 85/2008 um opinbera háskóla. Reglurnar öðlast þegar gildi.

Háskóla Íslands, 12. maí 2011.

Kristín Ingólfsdóttir.

Þórður Kristinsson.

B deild - Útgáfud.: 6. júní 2011