Skrá um flokkun vöru og þjónustu.

I. Vörur.

1. Efni til nota í iðnaði, við vísindastörf og ljósmyndun sem og í landbúnaði, garðrækt og skógrækt; óunnin gervikvoða, óunnar plastvörur; slökkvi- og eldvarnarefni; efnablöndur til herslu og lóðunar; efni til sútunar á dýraskinnum og -húðum; lím- og bindiefni til nota í iðnaði; molta, áburður, gróðuráburður; líffræðilegar efnablöndur til nota í iðnaði og vísindum.
2. Málning, gljákvoða (fernis), lakk; ryðvarnarefni og fúavarnarefni; litarefni, litunarefni; blek til prentunar, merkingar og fyrir leturgröft; óunnin náttúruleg kvoða; málmþynnur og málmduft til nota við málun, skreytingar, prentun og listsköpun.
3. Ólyfjabættar fegrunar- og snyrtivörur; ólyfjabættar tannhirðuvörur; ilmvötn; bleikiefni og önnur efni til að nota við fataþvott; efni til að nota við ræstingu, fægingu og slípun.
4. Olíur og feiti til iðnaðar, vax; smurolíur; raka- og rykbindiefni; brennsluefni og ljósmeti; kerti og kveikir til lýsingar.
5. Lyf og lyfjablöndur til lækninga fyrir menn og dýr; efnablöndur til hreinlætisnota í læknisfræðilegum tilgangi; sérfæði og næringarefni fyrir menn og dýr, barnamatur; fæðubótarefni fyrir menn og dýr; plástrar, sárabindi; tannfyllingarefni, vax til tannsmíða; sótthreinsiefni; efni til að eyða meindýrum; sveppaeyðir, illgresiseyðir.
6. Ódýrir málmar og blöndur úr þeim, málmgrýti; byggingar- og smíðaefni úr málmi; færanlegar byggingar úr málmi; strengir og vírar úr ódýrum málmum, ekki til rafmagnsnota; smáhlutir úr málmi; málmílát til geymslu eða flutninga; öryggisskápar.
7. Vélar, smíðavélar, orkuknúnar vélar; hreyflar og vélar, þó ekki í landfarartæki; vélatengsli og drifbúnaður, þó ekki í landfarartæki; landbúnaðarvélar, aðrar en handknúin handverkfæri; klakvélar (útungunarvélar); sjálfsalar.
8. Handknúin handverkfæri og -tól; hnífapör; beltisvopn, þó ekki skotvopn; rakvélar.
9. Búnaður og tæki til notkunar við vísindi, rannsóknir, leiðsögu, landmælingar, ljósmyndun, kvikmyndatöku og -sýningar, hljóð- og myndmiðlun, ljósfræði, vigtun, mælingar, merkjasendingar, greiningar, prófanir, eftirlit, björgun og kennslu; búnaður og tæki til að leiða, kveikja og slökkva á, breyta, safna, stilla eða stjórna dreifingu eða notkun á rafmagni; búnaður og tæki til að taka upp, miðla, afrita eða vinna hljóð, myndefni eða gögn; uppteknar og niðurhalanlegar margmiðlunarskrár, tölvuhugbúnaður, auðir, stafrænir eða hliðrænir gagnamiðlar til upptöku og geymslu; vélbúnaður fyrir myntstýrð tæki; búðarkassar, reiknivélar; tölvur og tölvujaðartæki; köfunarbúningar, köfunargrímur, eyrnatappar fyrir kafara, nefklemmur fyrir kafara, hanskar fyrir kafara, öndunarbúnaður fyrir kafsund; slökkvitæki.
10. Tæki og búnaður til skurðlækninga, lyflækninga, tannlækninga og dýralækninga; gervilimir, -augu og -tennur; gleraugu, augnlinsur og sólgleraugu; hlutir til bæklunarlækninga; þráður til að sauma saman sár; lækninga- og hjálpartæki ætluð fötluðum einstaklingum; nuddtæki; búnaður, tæki og hlutir til umönnunar ungbarna; búnaður, tæki og hlutir til kynlífsathafna.
11. Tæki og búnaður fyrir lýsingu, hitun, kælingu, gufuframleiðslu, matseld, þurrkun, loftræstingu, vatnsveitu og hreinlæti.
12. Farartæki; tæki til flutninga á landi, í lofti eða á legi.
13. Skotvopn; skotfæri og skot; sprengiefni; flugeldar.
14. Góðmálmar og blöndur úr þeim; skartgripir, eðalsteinar og hálfeðalsteinar; klukkur og tæki til tímamælinga.
15. Hljóðfæri; nótnastatíf og hljóðfærastandar; tónsprotar fyrir hljómsveitarstjóra.
16. Pappír og pappi; prentað mál; bókbandsefni; ljósmyndir; ritföng og skrifstofuvörur, þó ekki húsgögn; bréflím og lím til heimilisnota; teiknivörur og vörur fyrir listamenn; málningarpenslar; fræðslu- og kennslugögn; plastþynnur, -filmur og –pokar til umbúða og pökkunar; leturstafir, myndmót.
17. Óunnið og hálfunnið gúmmí, togleður (gúttaperka), gúmkvoða, asbest, gljásteinn og efni sem komið geta í staðinn fyrir þau; hálfunnið þanið plast og kvoða til iðnaðarnota; efni til hvers konar þéttingar eða einangrunar; sveigjanlegar pípur, rör og slöngur sem ekki eru úr málmi.
18. Leður og leðurlíki; skinn og húðir dýra; farangurs- og handtöskur; regnhlífar og sólhlífar; göngustafir; svipur, aktygi og reiðtygi; hálsólar, taumar og fatnaður fyrir dýr.
19. Efniviður, ekki úr málmi, til bygginga og mannvirkjagerðar; ósveigjanlegar pípur í byggingar, ekki úr málmi; asfalt, bik, tjara og malbik; færanlegar byggingar, ekki úr málmi; minnisvarðar, ekki úr málmi.
20. Húsgögn, speglar, myndarammar; ílát, ekki úr málmi, til geymslu eða flutninga; óunnin eða hálfunnin bein, horn, hvalabein eða perlumóðir; skeljar; sæfrauð; raf.
21. Heimilis- eða eldhúsáhöld og ílát; eldhús- og borðbúnaður, nema gafflar, hnífar og skeiðar; greiður og svampar; burstar, nema málningarpenslar; efni til burstagerðar; hlutir sem notaðir eru til ræstingar; óunnið eða hálfunnið gler, þó ekki gler í byggingar; glervörur, postulín og leirvörur.
22. Kaðlar og seglgarn; net; tjöld og yfirbreiðslur; ofnir segldúkar eða úr gerviefnum; segl; sekkir til flutninga og geymslu efna í lausri vigt; bólstrunar-, fylliefni og tróð, nema úr pappír, pappa, gúmmíi eða plasti; óunnin efni úr þræði til vefnaðar og efni sem komið geta í stað þeirra.
23. Garn og þráður til vefnaðar.
24. Vefnaður og efni sem komið geta í staðinn fyrir vefnað; lín til heimilisnota; ofin gluggatjöld eða úr plasti.
25. Fatnaður, skófatnaður, höfuðfatnaður.
26. Blúndur, útsaumur og ofnir borðar og slaufur; hnappar og tölur, krókar og lykkjur, prjónar og nálar; gerviblóm; hárskraut; gervihár.
27. Teppi, mottur, gólfdúkar og annað efni til að leggja á gólf; veggklæðningar, ekki ofnar.
28. Leikspil, leikföng og hlutir til leikja; skjáleikjabúnaður; leikfimi- og íþróttavörur; jólatrésskraut.
29. Kjöt, fiskur, alifuglar og villibráð; kjötkraftur til matreiðslu; niðursoðnir, frosnir, þurrkaðir og soðnir ávextir, grænmeti og þari; ávaxtahlaup, -sultur og -grautar; egg; mjólk, ostur, smjör, jógúrt og aðrar mjólkurafurðir; olíur og feiti til matar.
30. Kaffi, te, kakó og vörur sem komið geta í stað þeirra; hrísgrjón, pasta og núðlur; tapíókamjöl og sagógrjón; mjöl og matvörur úr korni; brauð, sætabrauð og sælgæti; súkkulaði; ís, frauðís og annar ís til matar; sykur, hunang, síróp; ger, lyftiduft; salt, kryddblöndur, krydd, rotvarðar jurtir; edik, sósur og aðrir bragðbætar; ís (frosið vatn).
31. Hráar og óunnar landbúnaðar-, lagareldis-, garðræktar- og skógræktarafurðir; hrátt og óunnið korn og fræ; ferskir ávextir og grænmeti; ferskar kryddjurtir; lifandi plöntur og blóm; blómlaukar, kímplöntur og fræ til gróðursetningar; lifandi dýr; dýrafóður og drykkjavörur ætlaðar dýrum; malt.
32. Bjór; óáfengir drykkir; ölkelduvatn, gosdrykkir; ávaxtadrykkir og ávaxtasafar; þykkni og önnur efni til gerðar óáfengra drykkja.
33. Áfengir drykkir nema bjór; áfeng efni til drykkjargerðar.
34. Tóbak og tóbakslíki; sígarettur og vindlar; rafrettur (veipur) og innúðatæki fyrir reykingafólk; hlutir fyrir reykingafólk; eldspýtur.

II. Þjónusta.

35. Auglýsingastarfsemi; rekstur, skipulagning og stjórnun fyrirtækja; skrifstofustarfsemi.
36. Fjármála-, gjaldmiðla- og bankaþjónusta; tryggingastarfsemi; fasteignaþjónusta.
37. Mannvirkjagerð; uppsetninga- og viðgerðaþjónusta; námuvinnsla, olíu og gasborun.
38. Fjarskiptaþjónusta.
39. Flutningar; pökkun og geymsla vöru; ferðaþjónusta. 
40. Meðferð efna; endurvinnsla úrgangs og sorps; lofthreinsun og meðhöndlun vatns; prentþjónusta; varðveisla matar og drykkjar.
41. Fræðsla; þjálfun; skemmtistarfsemi; íþrótta- og menningarstarfsemi.
42. Vísinda- og tækniþjónusta og rannsóknir og hönnun í tengslum við það; rannsóknar-, greiningar- og hönnunarþjónusta á sviði iðnaðar; gæðaeftirlit og sannvottunarþjónusta; hönnun og þróun tölvubúnaðar og tölvuhugbúnaðar.
43. Veitingaþjónusta; tímabundin gistiþjónusta.
44. Læknisþjónusta; dýralæknisþjónusta; fegrunar- og snyrtiþjónusta fyrir menn eða dýr; þjónusta við landbúnað, lagareldi, garðyrkju og skógrækt.
45. Lögfræðiþjónusta; persónuleg öryggisþjónusta til verndar áþreifanlegum eignum og einstaklingum; stefnumótaþjónusta; samfélagsmiðlaþjónusta á internetinu; útfararþjónusta; barnagæsla.