1. gr.

Aftast í 3. gr. bætist við ákvæði til bráðabirgða, svohljóðandi:

Ákvæði til bráðabirgða.

Þrátt fyrir ákvæði stafliða e og f kýs stúdentaráð Háskóla Íslands tvo aðalmenn og tvo varamenn til setu í háskólaráði til tveggja ára fyrir tímabilið 1. júlí 2014 til 30. júní 2016, samkvæmt reglum sem stúdentaráð hefur sett þar um.

2. gr.

Eftirfarandi breytingar verða á 130. gr.:

1. 1. mgr. orðast svo:

   1. Til BS-prófs í rafmagns- og tölvuverkfræði.
   2. Til BS-prófs í mekatróník hátæknifræði og orku- og umhverfistæknifræði og fer kennslan fram á vettvangi Keilis.
   3. Til meistaraprófs, MS-prófs, í rafmagns- og tölvuverkfræði, rafmagnsverkfræði og tölvuverkfræði.
   4. Til doktorsprófs, Ph.D.-prófs, í rafmagns- og tölvuverkfræði, rafmagnsverkfræði og tölvuverkfræði.
2. 5. mgr. orðast svo: Til BS-prófs í rafmagns- og tölvuverkfræði er krafist minnst 180 eininga.
3. Á eftir 5. mgr. bætist við ný málsgrein, svohljóðandi: Til BS-prófs í mekatróník hátæknifræði og orku- og umhverfistæknifræði er krafist minnst 220 eininga. Nám í tæknifræðigreinum er aðgreint frá námi í rafmagns- og tölvuverkfræði og fer fram á öðrum vettvangi.
4. Núverandi 6. mgr. orðast svo: Til MS-prófs er krafist 120 eininga náms að loknu BS-prófi í rafmagns- og tölvuverkfræði frá deildinni.

3. gr.

Eftirfarandi breytingar verða á 131. gr.:

1. 1. málsliður 1. mgr. orðast svo: Kennslu til BS-prófs í rafmagns- og tölvuverkfræði skal haga þannig að stúdent geti lokið 180 eininga námi á þremur árum.
2. Á eftir 2. málslið 1. mgr. bætast við tveir nýir málsliðir, svohljóðandi: Kennslu til BS-prófs í mekatróník hátæknifræði og orku- og umhverfistæknifræði skal haga þannig að stúdent geti lokið 220 eininga námi á þremur og hálfu ári. Hámarksnámstími til þess að ljúka BS-prófi í tæknifræði er tíu kennslumisseri frá því er stúdent var skrásettur í viðkomandi nám.
3. Núverandi 4. málsliður 1. mgr. orðast svo: Kennslu til meistaraprófs í rafmagns- og tölvuverkfræði, rafmagnsverkfræði og tölvuverkfræði til 120 eininga skal haga þannig að stúdent geti lokið náminu á tveimur árum.

4. gr.

Reglur þessar, sem samþykktar hafa verið í háskólaráði Háskóla Íslands, eru settar á grundvelli laga nr. 85/2008 um opinbera háskóla og öðlast þegar gildi.

Háskóla Íslands, 10. júní 2014.

Kristín Ingólfsdóttir.

Þórður Kristinsson.

B deild - Útgáfud.: 26. júní 2014