Askalind 2. Breytt deiliskipulag.

Í samræmi við skipulagslög nr. 123/2010 samþykkti bæjarstjórn Kópavogs 25. ágúst 2026 breytingu á deiliskipulagi Lindahverfis sunnan Fífuhvammsvegar fyrir lóð nr. 2 við Askalind. Í breytingunni felst hækkun núverandi húss um eina hæð ásamt því að bæta við stigahúsi með lyftu norðanmegin við húsið og fjölga bílastæðum. Breytingin felur í sér stækkun um 414,8 m². Þá er gerð kvöð um gróður á lóðinni. Að öðru leyti er vísað til gildandi skilmála.

Málsmeðferð var skv. 1. mgr. 43. gr. ofangreindra laga.

Uppdrættir hafa hlotið þá meðferð sem ofangreind lög mæla fyrir um.

Skipulagið öðlast þegar gildi.

B deild — Útgáfudagur: 8. október 2026