Teigahverfi – Reykjavegur, Hofteigur, Kirkjuteigur – USK26040131.

Í samræmi við skipulagslög nr. 123/2010 samþykkti borgarráð Reykjavíkur, 20. ágúst 2026, breytingu á deiliskipulagi Teigahverfis vegna Reykjavegar, Hofteigs og Kirkjuteigs. Í breytingunni felst að Hofteigur og Kirkjuteigur verða botngötur og verður lokað á akandi umferð um þær inn á Reykjaveg, lóð Laugarnesskóla minnkar óverulega til að koma fyrir snúningssvæði við enda Hofteigs, snúningssvæði verður komið fyrir við enda Kirkjuteigs og verða núverandi langstæði beggja megin götunnar felld burt og þrenging verður á Reykjavegi þar sem núverandi tenging er við Kirkjuteig. Uppdrættir hafa hlotið meðferð samkvæmt 1. mgr. 43. gr. skipulagslaga nr. 123/2010. Breytingin öðlast þegar gildi.

B deild — Útgáfudagur: 11. september 2026