Breyting á deiliskipulagi Snókalanda við Bláfjallaveg.

Bæjarstjórn Hafnarfjarðar samþykkti á fundi sínum 22. apríl 2026 breytingu á deiliskipulagi fyrir Snókalönd, ferðamannasvæði fyrir stjörnu- og norðurljósaskoðun við Bláfjallaveg.

Breytingin gerir ráð fyrir nýjum byggingarreit fyrir allt að 18 kúluhús en hvert hús er allt að 18 fm að stærð ásamt 10 fm viðbyggingu með salernisaðstöðu. Á núverandi byggingarreit er einnig gert ráð fyrir 2 þjónustubyggingum til viðbótar. Að öðru leyti gildir deiliskipulagið frá 13. mars 2023.

Deiliskipulagsbreytingin hefur hlotið þá meðferð sem skipulagslög nr. 123/2010 mæla fyrir um og öðlast hún þegar gildi.

B deild — Útgáfudagur: 11. maí 2026