Upplýsingar um auglýsingu
Deild
B deild
Stofnun
Ísafjarðarbær
Málaflokkur
Skipulagsmál, Ísafjarðarbær
Undirritunardagur
30. september 2025
Útgáfudagur
14. nóvember 2025
Sé munur á uppsetningu texta hér að neðan og í PDF skjali gildir PDF skjalið.
Nr. 1173/2025
30. september 2025
GJALDSKRÁ
vegna skipulagsbreytinga og framkvæmdaleyfa í Ísafjarðarbæ.
1. gr. Meginreglur.
Gjaldskráin byggir á þeirri meginreglu að aðili sem óskar eftir breytingu á aðal- og/eða deiliskipulagi skuli greiða þann kostnað sem breytingin hefur í för með sér. Í því felst að umsækjandi greiðir kostnað vegna nýrra uppdrátta, breytinga á uppdráttum, auglýsingu og kynninga vegna málsins. Umhverfisnefnd getur ákveðið að falla frá gjaldtöku ef skipulagsvinna á vegum sveitarfélagsins er yfirstandandi eða fyrirhuguð á svæðinu eða skipulagsáætlun þarfnast breytinga af öðrum ástæðum, enda hafi það ekki í för með sér viðbótarkostnað fyrir sveitarfélagið.
Ef kostnaður vegna vinnu skipulagsfulltrúa eða aðkeyptrar vinnu er verulega umfram viðmiðunargjald, vegna umfangs verksins er heimilt að leggja á til viðbótar tímagjald skipulagsfulltrúa sem er 25.370 kr. eða gjald skv. reikningi.
2. gr. Skilgreiningar.
Afgreiðslugjald: gjald sem greitt er við móttöku umsóknar um framkvæmdaleyfi og vegna skipulagsbreytinga. Í gjaldinu felst kostnaður sveitarfélagsins við afgreiðslu og yfirferð erindisins.
Umsýslu- og auglýsingakostnaður: kostnaður sveitarfélagsins við afgreiðslu umsóknar, birtingu auglýsinga og aðra umsýslu.
Breytingarkostnaður: kostnaður sem fellur til innan sveitarfélagsins við gerð nýs deiliskipulags eða breytingar á gildandi aðal- eða deiliskipulagsuppdráttum.
3. gr. Kostnaður vegna aðalskipulagsbreytinga.
| Breyting á aðalskipulagsuppdrætti, sbr. 36. gr. skipulagslaga nr. 123/2010, viðmiðunargjald | 448.220 kr. |
| Umsýslu- og auglýsingakostnaður, sbr. 1. mgr. 36 gr. skipulagslaga nr. 123/2010 | 158.830 kr. |
| Umsýslu- og auglýsingakostnaður, sbr. 2. mgr. 36 gr. skipulagslaga nr. 123/2010 | 142.920 kr. |
| Afgreiðslugjald vegna aðalskipulagsbreytinga | 8.280 kr. |
4. gr. Kostnaður vegna deiliskipulags.
| Nýtt deiliskipulag. | |
| Nýtt deiliskipulag, sbr. 2. mgr. 38. gr. skipulagslaga nr. 123/2010 | 448.220 kr. |
| Umsýslu- og auglýsingakostnaður, sbr. 2. mgr. 38. gr. skipulagslaga nr. 123/2010 | 158.830 kr. |
| Afgreiðslugjald vegna deiliskipulags | 8.280 kr. |
| Verulegar breytingar á deiliskipulagi. | |
| Breyting á deiliskipulagsuppdrætti, sbr. 1. mgr. 43. gr. skipulagslaga nr. 123/2010 | 288.170 kr. |
| Umsýslu- og auglýsingakostnaður, sbr. 1. mgr. 43. gr. skipulagslaga nr. 123/2010 | 158.830 kr. |
| Afgreiðslugjald vegna deiliskipulagsbreytinga | 8.280 kr. |
| Óverulegar breytingar á deiliskipulagi. | |
| Breyting á deiliskipulagsuppdrætti, sbr. 2 mgr. 43. gr. skipulagslaga nr. 123/2010 | 192.070 kr. |
| Umsýslu- og auglýsingakostnaður, sbr. 2. mgr. 43. gr. skipulagslaga nr. 123/2010 | 111.990 kr. |
| Afgreiðslugjald vegna deiliskipulagsbreytinga | 8.280 kr. |
5. gr. Kostnaður vegna grenndarkynningar.
| Grenndarkynning | 56.000 kr. |
6. gr. Kostnaður vegna framkvæmdaleyfis.
| Afgreiðslugjald | 111.990 kr. |
| Framkvæmdaleyfi – framkvæmdir skv. 1. og 2. viðauka laga um umhverfismat framkvæmda og áætlana nr. 111/2021, viðmiðunargjald | 208.090 kr. |
| Framkvæmdaleyfi – aðrar framkvæmdir, viðmiðunargjald | 111.990 kr. |
| Framkvæmdaleyfi – minniháttar framkvæmdir | 35.130 kr. |
| Eftirlit umfram eina ferð, sem er innifalin í framkvæmdaleyfisgjaldi | 39.980 kr. |
| Tímagjald, eftirlit umfram það sem er innifalið í framkvæmdaleyfisgjaldi | 19.330 kr. |
7. gr. Önnur gjöld.
Afgreiðslugjöld skipulagsfulltrúa vegna annarra mála en við á samkvæmt 3.-6. gr., enda er tekin ákvörðun um afgreiðslu málsins í skipulags- og mannvirkjanefnd.
| Afgreiðslugjald skipulagsfulltrúa | 15.290 kr. |
8. gr. Gjalddagi.
Gjöld samkvæmt gjaldskrá þessari falla í gjalddaga við afgreiðslu erindis nema um annað sé samið.
9. gr. Gjaldtökuheimild og breytingar á fjárhæð.
Leyfisgjöldum fylgja lögveð í viðkomandi fasteign eða lóð þar sem við getur átt og má innheimta gjaldfallin gjöld með fjárnámi án undangengins dóms eða réttarsáttar.
Leyfisgjöld eru ekki endurkræf þó leyfi falli úr gildi.
Gjaldskrá þessi er sett með heimild í 20. gr. skipulagslaga nr. 123/2010 og öðlast gildi 1. janúar 2026.
Jafnframt fellur úr gildi gjaldskrá vegna skipulagsbreytinga og framkvæmdaleyfa í Ísafjarðarbæ nr. 1621/2024.
Samþykkt í bæjarstjórn Ísafjarðarbæjar 30. september 2025.
Ísafirði, 30. september 2025.
Sigríður Júlía Brynleifsdóttir bæjarstjóri.
B deild — Útgáfudagur: 14. nóvember 2025