Forseti Íslands
gjörir kunnugt: Alþingi hefur fallist á lög þessi og ég staðfest þau með samþykki mínu:

I. KAFLI
Breyting á lögum um atvinnuleysistryggingar, nr. 54/2006.

1. gr.

5. gr. laganna orðast svo, ásamt fyrirsögn:

Framkvæmdaraðili.

Vinnumálastofnun annast framkvæmd atvinnuleysistrygginga samkvæmt lögum þessum.

Kostnaður við framkvæmd atvinnuleysistrygginga greiðist úr ríkissjóði samkvæmt fjárlögum hverju sinni, meðal annars af tekjum ríkissjóðs af tryggingagjaldi.

2. gr.

6.–8. gr. laganna falla brott.

3. gr.

Eftirfarandi breytingar verða á 9. gr. laganna:

1. 4.–6. mgr. falla brott.
2. Orðin „að fenginni umsögn stjórnar Atvinnuleysistryggingasjóðs“ í 8. mgr. falla brott.

4. gr.

Á eftir 9. gr. laganna kemur ný grein, 9. gr. a, ásamt fyrirsögn, svohljóðandi:

Upplýsingaöflun.

Skatturinn, Tryggingastofnun, sjúkratryggingastofnunin, sýslumaður, hlutaðeigandi atvinnurekendur, hlutaðeigandi lífeyrissjóðir, hlutaðeigandi stéttarfélög, félög og heildarsamtök stéttarfélaga sem reka sjúkra- eða styrktarsjóði fyrir launafólk á innlendum vinnumarkaði, Fangelsismálastofnun, Útlendingastofnun, lögregla, tollyfirvöld, eftirlitsfulltrúar samtaka aðila vinnumarkaðarins, sbr. lög um vinnustaðaskírteini og eftirlit á vinnustöðum, Samgöngustofa, Menntasjóður námsmanna, viðurkenndar menntastofnanir innan hins almenna menntakerfis og skólar á háskólastigi skulu láta Vinnumálastofnun í té upplýsingar sem nauðsynlegar eru við framkvæmd laga þessara.

Vinnumálastofnun er heimilt að óska eftir umsögn frá öðrum aðilum vegna einstakra umsókna þegar ástæða er til að mati hennar.

Að því marki sem nauðsynlegt er í því skyni að kanna afdrif þeirra sem fullnýtt hafa rétt sinn innan atvinnuleysistryggingakerfisins er Vinnumálastofnun heimil vinnsla upplýsinga frá Skattinum, Tryggingastofnun, Hagstofu Íslands og viðurkenndum menntastofnunum innan hins almenna menntakerfis og skólum á háskólastigi.

Vinnumálastofnun ber að upplýsa umsækjanda um fyrirhugaða upplýsingaöflun í samræmi við 2. mgr. 17. gr. laga um persónuvernd og vinnslu persónuupplýsinga, nr. 90/2018, sbr. 14. gr. reglugerðar Evrópuþingsins og ráðsins (ESB) 2016/679.

5. gr.

6. mgr. 11. gr. laganna fellur brott.

6. gr.

Orðin „að fenginni umsögn stjórnar Atvinnuleysistryggingasjóðs“ í 7. mgr. 14. gr. laganna falla brott.

7. gr.

Eftirfarandi breytingar verða á 15. gr. laganna:

1. Í stað orðsins „þrjá“ í 1. málsl. 2. mgr. kemur: sjö.
2. Í stað orðsins „þrjá“ í 1. málsl. 3. mgr. og 1. málsl. 4. mgr. kemur: sjö.
3. Orðin „að fenginni umsögn stjórnar Atvinnuleysistryggingasjóðs“ í 11. mgr. falla brott.

8. gr.

Við 17. gr. laganna bætist ný málsgrein, svohljóðandi:

Launamaður sem misst hefur starf sitt en kemur að atvinnurekstri lögaðila þar sem viðkomandi launamaður er virkur aðili vegna eignar- eða stjórnunaraðildar skal tilgreina það starfshlutfall sem viðkomandi gegnir í samræmi við vinnuframlag sitt en starfshlutfallið getur þó aldrei orðið lægra en 25%.

9. gr.

Eftirfarandi breytingar verða á 19. gr. laganna:

1. Í stað orðsins „þrjá“ í 1. málsl. 2. mgr. kemur: sjö.
2. Í stað orðsins „þrjá“ í 1. málsl. 5. mgr. kemur: sjö.
3. Orðin „að fenginni umsögn stjórnar Atvinnuleysistryggingasjóðs“ í 11. mgr. falla brott.

10. gr.

Við 22. gr. laganna bætist ný málsgrein, svohljóðandi:

Sjálfstætt starfandi einstaklingur sem misst hefur starf sitt en kemur að atvinnurekstri lögaðila þar sem viðkomandi einstaklingur er virkur aðili vegna eignar- eða stjórnunaraðildar skal tilgreina það starfshlutfall sem viðkomandi gegnir í samræmi við vinnuframlag sitt en starfshlutfallið getur þó aldrei orðið lægra en 25%.

11. gr.

Eftirfarandi breytingar verða á 1. mgr. 29. gr. laganna:

1. Í stað tölunnar „30“ í 1. málsl. kemur: 24.
2. Í stað orðanna „XI. kafla“ í 2. málsl. kemur: X. kafla.

12. gr.

Eftirfarandi breytingar verða á 1. málsl. 30. gr. laganna:

1. Í stað tölunnar „30“ kemur: 24.
2. Í stað orðsins „sex“ kemur: sjö.

13. gr.

Á eftir 30. gr. laganna kemur ný grein, 30. gr. a, ásamt fyrirsögn, svohljóðandi:

Desemberuppbót atvinnuleysistrygginga.

Sá sem telst tryggður samkvæmt lögum þessum og staðfestir atvinnuleit í nóvembermánuði á rétt á sérstakri desemberuppbót á grunnatvinnuleysisbætur á sama ári í samræmi við lengd þess tíma sem hann hefur verið skráður án atvinnu á því ári sem um ræðir hverju sinni sem og tryggingarhlutfall viðkomandi á þeim tíma.

Hámarksfjárhæð desemberuppbótar skv. 1. mgr. skal nema 30% af óskertum grunnatvinnuleysisbótum skv. 33. gr. Lágmarksfjárhæð desemberuppbótar skv. 1. mgr. skal nema 25% af hámarksfjárhæð desemberuppbótar skv. 1. málsl.

Vinnumálastofnun greiðir út desemberuppbót atvinnuleysistrygginga eigi síðar en 15. desember ár hvert.

Ráðherra skal setja reglugerð þar sem nánar er kveðið á um skilyrði fyrir greiðslu desemberuppbótar atvinnuleysistrygginga.

14. gr.

2. málsl. 6. mgr. 32. gr. laganna fellur brott.

15. gr.

4. málsl. 3. mgr. 33. gr. laganna fellur brott.

16. gr.

Eftirfarandi breytingar verða á 35. gr. laganna:

1. Við 1. mgr. bætist nýr málsliður, svohljóðandi: Við útreikning atvinnuleysisbóta fyrir hvern dag skal miða við 30 daga í hverjum almanaksmánuði.
2. Í stað orðsins „Atvinnuleysistryggingasjóðs“ í 1. málsl. 3. mgr. kemur: Vinnumálastofnunar.

17. gr.

Eftirfarandi breytingar verða á 36. gr. laganna:

1. Í stað „4. mgr.“ í 1. málsl. 1. mgr. kemur: 5. mgr.
2. Á eftir 1. mgr. kemur ný málsgrein, svohljóðandi:
   Þrátt fyrir ákvæði 1. mgr. skal útgreiðsla séreignarsparnaðar sem myndast hefur af viðbótariðgjaldi skv. II. kafla laga um skyldutryggingu lífeyrisréttinda og starfsemi lífeyrissjóða, nr. 129/1997, ekki koma til frádráttar greiðslum samkvæmt lögum þessum. Hið sama á við um útgreiðslu tilgreindrar séreignar skv. 14. gr. a sömu laga.

18. gr.

Í stað orðsins „Atvinnuleysistryggingasjóður“ í 1. mgr. 37. gr. laganna kemur: Vinnumálastofnun.

19. gr.

Eftirfarandi breytingar verða á 39. gr. laganna:

1. Lokamálsliður 3. mgr. orðast svo: Þeim ráðherra er fer með tekjuöflun ríkisins er heimilt að setja í reglugerð nánari reglur um skuldajöfnun og forgangsröð.
2. Í stað orðanna „ofgreidds fjár úr Atvinnuleysistryggingasjóði“ í 1. málsl. 4. mgr. kemur: ofgreiddra atvinnuleysisbóta.
3. Eftirfarandi breytingar verða á 5. mgr.:
   1. Í stað orðsins „Atvinnuleysistryggingasjóðs“ í 1. málsl. kemur: Vinnumálastofnunar.
   2. Í stað orðanna „úr Atvinnuleysistryggingasjóði“ í lokamálslið kemur: atvinnuleysisbóta.

20. gr.

Í stað orðsins „Atvinnuleysistryggingasjóði“ í 2. málsl. 40. gr. laganna kemur: Vinnumálastofnun.

21. gr.

6. mgr. 42. gr. laganna fellur brott.

22. gr.

Í stað orðanna „eða í Færeyjum“ í 1. málsl. 1. mgr. 47. gr. laganna kemur: í Færeyjum eða í Bretlandi, eftir því sem við á hverju sinni.

23. gr.

Orðin „úr Atvinnuleysistryggingasjóði“ í 1. mgr. 49. gr. laganna falla brott.

24. gr.

Á eftir 49. gr. laganna kemur ný grein, 49. gr. a, ásamt fyrirsögn svohljóðandi:

Reglugerðarheimild.

Ráðherra er heimilt að innleiða með reglugerð almannatryggingareglur Evrópusambandsins eins og þær eru felldar inn í viðauka VI við samninginn um Evrópska efnahagssvæðið, sbr. lög nr. 2/1993, með síðari breytingum, sbr. einnig ákvörðun sameiginlegu EES-nefndarinnar nr. 76/2011 frá 1. júlí 2011 sem fellir undir samninginn reglugerðir Evrópuþingsins og ráðsins (EB) nr. 883/2004, um samræmingu almannatryggingakerfa, með síðari breytingum, og nr. 987/2009 um framkvæmd hennar. Reglugerðir Evrópusambandsins, sem teknar verða upp í samninginn og fela í sér breytingar eða viðbætur við þær reglugerðir, er einnig heimilt að innleiða með reglugerð. Sama á við um almannatryggingareglur stofnsamnings Fríverslunarsamtaka Evrópu og milliríkjasamninga sem gilda á milli Íslands og Bretlands, eftir því sem við á.

25. gr.

Eftirfarandi breytingar verða á 52. gr. laganna:

1. Orðin „3. og 4.“ í 1. málsl. 1. mgr. falla brott.
2. Orðin „enda sé um svo lágt námshlutfall að ræða að námið telst ekki lánshæft hjá Menntasjóði námsmanna“ í 1. málsl. 2. mgr. falla brott.
3. 3. og 4. mgr. falla brott.
4. Eftirfarandi breytingar verða á 5. mgr.:
   1. Í stað tilvísunarinnar „1.–4. mgr.“ kemur: 1.–2. mgr.
   2. Við bætist: enda hafi ekki verið um að ræða tímabundið starf í námshléi auk þess sem hann hafi misst starf sitt af gildum ástæðum.
5. Við bætist ný málsgrein, svohljóðandi:
   Þrátt fyrir 1. mgr. er hinum tryggða heimilt að stunda nám sem er hluti vinnumarkaðsúrræða samkvæmt ákvörðun Vinnumálastofnunar. Ráðherra er heimilt að kveða í reglugerð á um auknar heimildir tiltekinna hópa atvinnuleitenda, svo sem þeirra sem skráðir hafa verið án atvinnu hjá Vinnumálastofnun í tólf mánuði eða lengur, til þess að stunda tiltekið nám á framhaldsskólastigi eða á háskólastigi.

26. gr.

Eftirfarandi breytingar verða á 54. gr. laganna:

1. Orðin „sbr. þó 4. mgr.“ í 1. málsl. 1. mgr. falla brott.
2. 2.–4. mgr. falla brott.

27. gr.

Eftirfarandi breytingar verða á 55. gr. laganna:

1. Orðin „sbr. þó 4. mgr.“ í 1. málsl. 1. mgr. falla brott.
2. 2.–4. mgr. falla brott.

28. gr.

56. gr. laganna fellur brott.

29. gr.

Fyrirsögn X. kafla laganna verður: Biðtími eftir atvinnuleysisbótum og viðurlög.

30. gr.

Eftirfarandi breytingar verða á 57. gr. laganna:

1. Orðin „sbr. þó 5. mgr.“ í 1. málsl. 1. mgr. falla brott.
2. 2., 3. og 5. mgr. falla brott.

31. gr.

Eftirfarandi breytingar verða á 58. gr. laganna:

1. Eftirfarandi breytingar verða á 1. mgr.:
   1. Orðin „sbr. þó 4. mgr.“ í 1. málsl. falla brott.
   2. Í stað tilvísunarinnar „6. mgr. 9. gr.“ í 2. málsl. kemur: 7. mgr. 9. gr.
2. 2.–4. mgr. falla brott.

32. gr.

Eftirfarandi breytingar verða á 59. gr. laganna:

1. Orðin „4. mgr. og“ í 1. málsl. 1. mgr. falla brott.
2. 2.–4. mgr. falla brott.

33. gr.

61. gr. laganna orðast svo, ásamt fyrirsögn:

Ítrekunaráhrif fyrri ákvarðana um biðtíma.

Sá sem áður hefur sætt biðtíma skv. 54.–59. gr. og eitthvert þeirra tilvika sem þar greinir á sér stað að nýju á sama tímabili skv. 29. gr. skal ekki eiga rétt á greiðslu atvinnuleysisbóta skv. VII. kafla fyrr en að þremur mánuðum liðnum, sem ella hefðu verið greiddar atvinnuleysisbætur fyrir.

Þegar biðtími fellur niður skv. 2. mgr. 61. gr. a leggst sá tími sem eftir var af fyrri biðtíma saman við biðtíma skv. 1. mgr.

Endurtaki atvik sig sem lýst er í 1. mgr. á sama tímabili skv. 29. gr. skal atvinnuleitandi ekki eiga rétt á greiðslu atvinnuleysisbóta fyrr en hann uppfyllir skilyrði 31. gr.

Ítrekunaráhrif samkvæmt ákvæði þessu falla niður þegar nýtt tímabil skv. 29. gr. hefst, sbr. 30. eða 31. gr.

34. gr.

Á eftir 61. gr. laganna kemur ný grein, 61. gr. a, ásamt fyrirsögn, svohljóðandi:

Skyldur atvinnuleitanda meðan á biðtíma stendur.

Atvinnuleitandi skal uppfylla skilyrði laga þessara meðan á biðtíma stendur.

Taki atvinnuleitandi starfi meðan á tveggja mánaða biðtíma stendur og starfið er ekki hluti af vinnumarkaðsaðgerðum fellur biðtíminn niður eftir að atvinnuleitandinn hefur starfað í a.m.k. hálfan mánuð á vinnumarkaði áður en hann sækir að nýju um atvinnuleysisbætur, enda hafi hann sagt starfinu lausu eða misst það af gildum ástæðum að mati Vinnumálastofnunar. Vari starfið í skemmri tíma, atvinnuleitandi hefur sagt starfi sínu lausu án gildra ástæðna eða misst það af ástæðum sem hann á sjálfur sök á heldur biðtíminn áfram að líða þegar atvinnuleitandinn sækir að nýju um atvinnuleysisbætur, sbr. einnig 61. gr.

35. gr.

Fyrirsögnin „XI. KAFLI, Viðurlög“ fellur brott.

36. gr.

Eftirfarandi breytingar verða á 62. gr. laganna:

1. Eftirfarandi breytingar verða á 1. mgr.:
   1. Í stað orðanna „Heimilt er að veita styrki úr Atvinnuleysistryggingasjóði“ í 1. málsl. kemur: Vinnumálastofnun er heimilt að veita styrki.
   2. Í stað orðanna „heimilt að veita styrki úr Atvinnuleysistryggingasjóði“ í 2. og 3. málsl. kemur: Vinnumálastofnun heimilt að veita styrki.
2. Á eftir 1. mgr. kemur ný málsgrein, svohljóðandi:
   Krafa atvinnurekanda í tengslum við greiðslu styrks skv. 1. mgr. vegna ráðningar atvinnuleitanda til starfa skal berast Vinnumálastofnun innan þriggja mánaða frá því að launagreiðsla til viðkomandi atvinnuleitanda fer fram. Að öðrum kosti fellur niður heimild Vinnumálastofnunar til greiðslu styrks til hlutaðeigandi atvinnurekanda vegna þeirrar launagreiðslu.
3. Orðin „að fenginni tillögu stjórnar Atvinnuleysistryggingasjóðs“ í 1. málsl. 2. mgr. falla brott.
4. Fyrirsögn greinarinnar orðast svo: Styrkir vegna einstaklinga.

37. gr.

Eftirfarandi breytingar verða á 63. gr. laganna:

1. Í stað orðanna „að fenginni tillögu stjórnar Atvinnuleysistryggingasjóðs, að veita styrki úr Atvinnuleysistryggingasjóði“ kemur: að veita styrki.
2. Fyrirsögn greinarinnar orðast svo: Styrkir til verkefna á vinnumarkaði.

38. gr.

Orðin „að fenginni umsögn stjórnar Atvinnuleysistryggingasjóðs“ í 64. gr. laganna falla brott.

39. gr.

XII. kafli laganna verður XI. kafli.

40. gr.

Við lögin bætast tvö ný ákvæði til bráðabirgða, svohljóðandi:

a. (I.)

Þrátt fyrir 1. mgr. 29. gr. skulu þeir sem fá greiddar atvinnuleysisbætur 1. júlí 2026 eiga rétt til atvinnuleysisbóta í samtals 30 mánuði. Sama á við um þá sem sækja um atvinnuleysisbætur eftir 1. júlí 2026 eftir að hafa starfað í skemmri tíma en 24 mánuði á innlendum vinnumarkaði frá því að hafa síðast fengið greiddar atvinnuleysisbætur.

b. (II.)

Ráðherra skal fyrir 31. desember 2028 leggja mat á hvaða áhrif það hefur haft á fjárhag sveitarfélaga að breyta lágmarksskilyrðum fyrir greiðslu atvinnuleysisbóta sem og að stytta það tímabil sem atvinnuleysisbætur eru greiddar, úr 30 mánuðum í 24 mánuði, samanborið við ætluð áhrif á fjárhag sveitarfélaga.

II. KAFLI
Breyting á lögum um vinnumarkaðsaðgerðir, nr. 55/2006.

41. gr.

Orðin „að fenginni umsögn stjórnar Vinnumálastofnunar“ í 5. mgr. 4. gr., 4. mgr. 7. gr., 5. mgr. 12. gr. og 20. gr. laganna falla brott.

42. gr.

5. gr. laganna orðast svo:

Ráðherra skipar níu manna stjórn Vinnumálastofnunar til fjögurra ára í senn að fengnum tilnefningum. Tveir fulltrúar í stjórn Vinnumálastofnunar skulu tilnefndir af Alþýðusambandi Íslands, einn af Bandalagi háskólamanna, einn af BSRB, einn af því ráðuneyti er fer með starfsmannamál ríkisins, einn af Sambandi íslenskra sveitarfélaga og tveir af Samtökum atvinnulífsins. Tilnefna skal jafnmarga fulltrúa til vara á sama hátt. Ráðherra skipar einn fulltrúa í stjórn Vinnumálastofnunar án tilnefningar og skal hann vera formaður stjórnar stofnunarinnar. Þá skipar ráðherra varamann formanns stjórnar Vinnumálastofnunar án tilnefningar og skal hann jafnframt vera varaformaður stjórnarinnar. Ráðherra ákveður þóknun fulltrúa í stjórn Vinnumálastofnunar sem skal greidd af rekstrarfé stofnunarinnar.

Formaður stjórnar Vinnumálastofnunar boðar til stjórnarfunda og stýrir þeim. Á fulltrúum í stjórn Vinnumálastofnunar hvílir þagnarskylda skv. X. kafla stjórnsýslulaga. Forstjóri situr fundi stjórnarinnar með málfrelsi og tillögurétt.

Stjórn Vinnumálastofnunar staðfestir skipulag stofnunarinnar og árlega starfs- og fjárhagsáætlun hennar. Þá skal stjórnin annast eftirlit með framvindu fyrrnefndra áætlana og þeirra verkefna sem stofnuninni er falið að annast samkvæmt lögum eða reglugerðum. Stjórn stofnunarinnar skal jafnframt vera ráðherra til ráðgjafar við faglega stefnumótun á sviði vinnumarkaðsaðgerða og gera ráðherra grein fyrir atvinnuástandi og árangri vinnumarkaðsaðgerða í skýrslu í lok hvers árs.

43. gr.

6. gr. laganna fellur brott.

44. gr.

Á eftir orðunum „Tryggingastofnun ríkisins“ í 1. mgr. 7. gr. a laganna kemur: Skattinum.

45. gr.

Eftirfarandi breytingar verða á 12. gr. laganna:

1. Í stað orðanna „fyrirtæki eða stofnanir“ í 1. málsl. 4. mgr. kemur: atvinnurekendur.
2. Á eftir 4. mgr. kemur ný málsgrein, svohljóðandi:
   Krafa atvinnurekanda í tengslum við greiðslu styrks á grundvelli samnings skv. 4. mgr. skal berast Vinnumálastofnun innan þriggja mánaða frá því að launagreiðsla til viðkomandi atvinnuleitanda fer fram. Að öðrum kosti fellur niður heimild Vinnumálastofnunar til greiðslu styrks til hlutaðeigandi atvinnurekanda vegna þeirrar launagreiðslu.

46. gr.

Við 16. gr. laganna bætist ný málsgrein, svohljóðandi:

Vinnumálastofnun er heimilt að boða þann sem fær greiddan virknistyrk eða sætir biðtíma eða viðurlögum samkvæmt lögum þessum til stofnunarinnar á sannanlegan hátt, meðal annars til að kanna hvort breytingar hafi orðið á högum hans sem kunna að hafa áhrif á rétt hans samkvæmt lögum þessum. Skal viðkomandi þá vera reiðubúinn að mæta til stofnunarinnar með mjög skömmum fyrirvara.

47. gr.

Við 16. gr. c laganna bætast tvær nýjar málsgreinar, svohljóðandi:

Heimilt er að skuldajafna ofgreiddum virknistyrk á móti síðar tilkomnum virknistyrk til sama einstaklings en þó aldrei hærri fjárhæð en sem nemur 25% af síðarnefnda virknistyrknum í hverjum mánuði. Þá er heimilt að skuldajafna ofgreiddum virknistyrk á móti inneign viðkomandi einstaklings vegna ofgreiddra skatta, barnabóta og vaxtabóta samkvæmt lögum um tekjuskatt. Þeim ráðherra er fer með tekjuöflun ríkisins er heimilt að setja í reglugerð nánari reglur um skuldajöfnun og forgangsröð.

Um innheimtu ofgreidds virknistyrks fer skv. 3. gr. laga um innheimtu opinberra skatta og gjalda, nr. 150/2019. Ráðherra getur þó falið sérstökum innheimtuaðila að annast innheimtu.

48. gr.

Lög þessi öðlast gildi 1. júlí 2026.

Þrátt fyrir 1. mgr. öðlast 7. og 9. gr. gildi 1. september 2026 og 14. og 16. gr. 1. janúar 2027.

49. gr.Breyting á öðrum lögum.

Við gildistöku laga þessara verða eftirfarandi breytingar á öðrum lögum:

1. Lög um úrskurðarnefnd velferðarmála, nr. 85/2015: 2. málsl. 10. gr. laganna fellur brott.
2. Lög um vátryggingastarfsemi, nr. 100/2016: Í stað orðsins „Atvinnuleysistryggingasjóð“ í 1. mgr. 3. gr. laganna kemur: Vinnumálastofnun.
3. Lög um atvinnutengda starfsendurhæfingu og starfsemi starfsendurhæfingarsjóða, nr. 60/2012: Í stað orðanna „Atvinnuleysistryggingasjóði eða Fæðingarorlofssjóði“ í 2. tölul. 1. mgr. 8. gr. laganna kemur: Fæðingarorlofssjóði, atvinnuleysisbætur samkvæmt lögum um atvinnuleysistryggingar.
4. Lög um greiðslur til foreldra langveikra eða alvarlega fatlaðra barna, nr. 22/2006:
   1. Í stað orðanna „greiðslur úr Atvinnuleysistryggingasjóði“ í 2. málsl. 1. mgr. 11. gr. laganna kemur: atvinnuleysisbætur samkvæmt lögum um atvinnuleysistryggingar.
   2. Í stað orðanna „Atvinnuleysistryggingasjóði, sjúkrasjóði stéttarfélags“ í 3. málsl. 1. mgr. 11. gr. laganna kemur: eða sjúkrasjóði stéttarfélags, atvinnuleysisbætur samkvæmt lögum um atvinnuleysistryggingar.
5. Lög um sorgarleyfi, nr. 77/2022: Í stað orðanna „greiðslna úr Atvinnuleysistryggingasjóði“ í 3. mgr. 32. gr. laganna kemur: atvinnuleysisbóta.
6. Lög um viðspyrnustyrki, nr. 160/2020: Í stað orðanna „úr Atvinnuleysistryggingasjóði samkvæmt reglugerð um þátttöku atvinnuleitenda sem tryggðir eru innan atvinnuleysistryggingakerfisins í vinnumarkaðsaðgerðum og um greiðslu styrkja úr Atvinnuleysistryggingasjóði, nr. 918/2020“ í 5. mgr. 5. gr. laganna kemur: frá Vinnumálastofnun.
7. Lög um tímabundnar greiðslur vegna launa einstaklinga sem sæta sóttkví samkvæmt fyrirmælum heilbrigðisyfirvalda án þess að vera sýktir, nr. 24/2020:
   1. Í stað orðsins „Atvinnuleysistryggingasjóði“ í 2. málsl. 1. mgr. 11. gr. laganna kemur: atvinnuleysisbóta.
   2. Í stað orðanna „úr Atvinnuleysistryggingasjóði“ í 2. mgr. 11. gr. laganna kemur: frá Vinnumálastofnun.
8. Lög um fæðingar- og foreldraorlof, nr. 144/2020: Í stað orðanna „greiðslna úr Atvinnuleysistryggingasjóði“ í 2. mgr. 53. gr. laganna kemur: atvinnuleysisbóta.
9. Lög um Ábyrgðasjóð launa, nr. 88/2003: Í stað orðsins „Atvinnuleysistryggingasjóði“ í 2. málsl. 1. mgr. 24. gr. laganna kemur: Vinnumálastofnun.
10. Lög um eftirlaun til aldraðra, nr. 113/1994: Í stað orðsins „Atvinnuleysistryggingasjóði“ í 19. gr. laganna kemur: Vinnumálastofnun.
11. Lög um réttindi lifandi líffæragjafa til tímabundinnar fjárhagsaðstoðar, nr. 40/2009:
    
    1. Í stað orðanna „greiðslur úr Atvinnuleysistryggingasjóði“ í 2. málsl. 1. mgr. 10. gr. laganna kemur: atvinnuleysisbætur samkvæmt lögum um atvinnuleysistryggingar.
    2. Í stað orðanna „Atvinnuleysistryggingasjóði eða sjúkrasjóði stéttarfélags“ í 3. málsl. 1. mgr. 10. gr. laganna kemur: eða sjúkrasjóði stéttarfélags, atvinnuleysisbætur samkvæmt lögum um atvinnuleysistryggingar.
12. Lög um tryggingagjald, nr. 113/1990:
    1. 1. málsl. 2. mgr. 2. gr. laganna orðast svo: Fyrir lok október ár hvert skal Vinnumálastofnun gefa ráðherra skýrslu þar sem gerð er grein fyrir fyrirsjáanlegum útgjöldum á næsta fjárhagsári með hliðsjón af horfum um atvinnuleysi og öðrum atriðum sem áhrif hafa á fjárhagslega stöðu stofnunarinnar í tengslum við framkvæmd laga um atvinnuleysistryggingar.
    2. 1. mgr. 3. gr. laganna orðast svo:
       Tekjur af atvinnutryggingagjaldi skulu renna til ríkissjóðs.

A deild — Útgáfudagur: 30. júní 2026