1. gr.

Eftirfarandi breytingar verða á 1. gr. reglnanna:

1. 2. málsl. 2. mgr. orðast svo: Um samvinnu læknadeildar við aðrar deildir á heilbrigðisvísindasviði, auk líf- og umhverfisvísindadeildar, á sviði lífeðlisfræði skal gerður sérstakur samningur þar sem fjallað er um verkefni innan einstakra fræðasviða, um þjónustukennslu og um fjármál.
2. 3. málsl. 2. mgr. fellur brott.

2. gr.

Eftirfarandi breytingar verða á 5. gr. reglnanna:

1. 1. og 2. málsl. 1. mgr. orðast svo: Stjórn stofnunarinnar er skipuð þeim starfsmönnum sem upp eru taldir í a. lið 8. gr. og hafa fasta ráðningu á grundvelli hæfnisdóms í a.m.k. 50% starfshlutfalli. Auk þess sitja í stjórn einn fulltrúi nemenda í framhaldsnámi í lífeðlisfræði og einn fulltrúi annarra starfsmanna en þeirra sem áður eru tilgreindir.
2. Í stað orðanna „Stjórn er heimilt“ í upphafi 2. mgr. kemur: Heimilt er.

3. gr.

Eftirfarandi breytingar verða á 7. gr. reglnanna:

1. 2. mgr. orðast svo:
   Stjórnin ber ábyrgð á fjármálum stofnunarinnar gagnvart læknadeild og forseta heilbrigðisvísindasviðs og eftir því sem nánar er kveðið á um í samstarfssamningi skv. 2. mgr. 1. gr.
2. 3. mgr. fellur brott.

4. gr.

1. málsl. a. liðar 5. mgr. 8. gr. reglnanna orðast svo: Prófessorar, dósentar, lektorar, aðjúnktar, vísindamenn, fræðimenn og sérfræðingar í lífeðlisfræði við læknadeild og við aðrar deildir Háskóla Íslands á grundvelli samstarfssamnings skv. 2. mgr. 1. gr., sbr. einnig 5. gr.

5. gr.

Eftirfarandi breytingar verða á 9. gr. reglnanna:

1. liður 1. mgr. orðast svo: framlag frá læknadeild og öðrum deildum Háskóla Íslands í samræmi við ákvæði samstarfssamnings, sbr. 2. mgr. 1. gr. reglna þessara.
2. 2. mgr. orðast svo:
   Reikningshald stofnunarinnar skal vera hluti af reikningshaldi háskólans og læknadeildar.

6. gr.

Reglur þessar, sem háskólaráð hefur sett á grundvelli heimildar í 3. mgr. 11. gr. laga nr. 85/2008 um opinbera háskóla, að fenginni tillögu stjórnar heilbrigðisvísindasviðs, öðlast þegar gildi.

Háskóla Íslands, 7. apríl 2017.

Jón Atli Benediktsson.

Þórður Kristinsson.

B deild - Útgáfud.: 26. apríl 2017