1. gr. Vatnsgjald.

Heimilt er að leggja á fasteign almennt vatnsgjald hafi vatnsveita verið tengd við mannvirki á fasteign. Mannvirki telst tengt vatnsveitu þegar heimæð hefur verið tengd frá vatnsveitulögn í vatnsinntak notanda.

Vatnsgjald samanstendur af fastagjaldi á hverja matseiningu og fermetragjaldi eftir stærð samkvæmt fasteignaskrá. Heimilt er að reiknað sé af flatarmáli allra mannvirkja á fasteign.

Bílskúrar og sambærilegt húsnæði sem stendur á fasteign með öðrum mannvirkjum er undanþegið fastagjaldi. Vatnsgjald fer aldrei yfir 0,5% af fasteignamati. Vatnsgjald þetta er miðað við byggingarvísitölu í nóvember 2025 og uppfærist skv. henni í nóvember ár hvert.

Árleg vatnsgjöld mannvirkja í sumarhúsabyggðum skulu að lágmarki vera 45.501 kr.

Vatnsgjald innheimtist af Orkuveitu Reykjavíkur – vatns- og fráveitu.

Orkuveitu Reykjavíkur – vatns- og fráveitu er heimilt að gjaldfella álagningu ársins verði greiðslufall á einum eða fleiri reikningum vegna álagningarinnar.

2. gr. Notkunargjald vatns.

Notkunargjald er 48,54 kr./m³, byggingavatn er 224,17 kr./dag og kalt vatn í heildsölu er 55,19 kr./m³.

Fast gjald sem er háð stærð mælis:

¹ Verðlagning byggir á 2. ml. 2. mgr. 6. gr. laga nr. 32/2004 um vatnsveitur sveitarfélaga. Gildir fyrir afhendingu vatns í brunni þar sem skráð fasteign er ekki til staðar.

3. gr. Tengigjöld.

Gjaldskráin miðast við að ídráttarrör fyrir heimæð hafi verið lagt á frostfríu dýpi frá tengistað Orkuveitunnar við lóðarmörk, að inntaksstað mannvirkis sem Orkuveitan hefur samþykkt.

Tengigjald fyrir inntök > 110 mm er reiknað út hjá Orkuveitunni.

Ein tengigrind er innifalin í hverju tengigjaldi og fyrir hverja aukatengigrind greiðist 10% af tengigjaldi viðkomandi málstærðar.

Byggingavatn og brunnar:

¹ Gildir þegar tengt er við heimæðarenda sem kominn er inn fyrir lóðarmörk.
² Sé sótt um heimæð í brunn þar sem fasteign er ekki til staðar leggur Orkuveitan til brunninn og kemur honum fyrir. Umsækjandi greiðir einnig tengigjald í samræmi við umsótta stærð.

Tengigjöld fyrir frístundahús:

Þessi verð miðast við heimæð allt að 100 metrum að lengd. Umsækjandi greiðir sérstaklega fyrir klapparbrot.

Önnur tengiþjónusta:

Heimilt er að falla frá þessu gjaldi þar sem komið er að endurnýjun lagna.

4. gr.

Gjöld skv. 2. og 3. gr. miðast við byggingarvísitölu fyrir nóvember 2025 og uppfærast á 3ja mánaða fresti, að undanskildu gjaldi vegna annarrar tengiþjónustu.

Gjaldskrá þessi sem er sett í samræmi við lög um vatnsveitur sveitarfélaga nr. 32/2004 og reglugerð um vatnsveitur sveitarfélaga nr. 401/2005 öðlast gildi 1. janúar 2026. Jafnframt fellur úr gildi gjaldskrá sama efnis nr. 1631/2024.

B deild — Útgáfudagur: 29. desember 2025