1. gr.

2. mgr. 4. gr. samþykktarinnar breytist og verður svohljóðandi:

Hundraðshluti byggingarkostnaðar ákvarðast eftir hústegund svo sem hér segir:

Einbýlishús með eða án tvíbýlisaðstöðu	15%
Parhús, tvíbýlishús	15%
Raðhús, keðjuhús	15%
Fjölbýlishús	15%
Verslunar-, þjónustuhúsnæði o.fl.	15%
Iðnaðarhúsnæði	15%
Hesthús	15%
Gróðurhús	2%
Hús til landbúnaðarafnota	7,5%*
Bílakjallarar	3,75%
Færanlegar kennslustofur	1%**

* Hér er m.a. um að ræða mannvirki sem tengjast búrekstri, þ.e. sem eru reist fyrir geymslu á búfénaði, sem og tækja- og áhaldageymslur vegna búrekstrar.
** Færanlegar kennslustofur er samheiti yfir færanlegt og flytjanlegt húsnæði sem nota á við fræðslu- og kennslustarf á grunnskóla-, leikskóla-, tónlistarskóla-, framhaldsskóla-, háskóla-, og iðnmenntunarstigi og ráðgert er að byggingar standi ekki til frambúðar á viðkomandi lóð og skemur en 10 ár. Gatnagerðargjöld sem lögð eru á þessa hústegund eru óendurkræf þegar húsnæði er flutt af lóðinni, en greidd gatnagerðargjöld má þó láta ganga til greiðslu gatnagerðargjalda þegar sami aðili reisir varanlegt mannvirki á lóðinni, og ganga þannig þegar greidd gatnagerðargjöld af færanlegum kennslustofum til greiðslu sé kennslustofa flutt á aðra lóð.

2. gr.

Breytingar þessar, sem samþykktar voru á fundi bæjarstjórnar Mosfellsbæjar 6. desember 2023, skv. heimild í 12. gr. laga nr. 153/2006, öðlast þegar gildi.

Mosfellsbæ, 20. desember 2023.

Þóra M. Hjaltested bæjarlögmaður.

B deild - Útgáfud.: 27. desember 2023