1. gr.

Á eftir 10. gr. reglnanna bætist við ný grein, 10. gr. a., sem ásamt fyrirsögn orðast svo:

Gjald fyrir aðfaranám (Háskólabrú).

Heimilt er að innheimta þjónustugjald af nemendum í Háskólabrú (aðfaranámi), sbr. 4. mgr. 19. gr. laga nr. 63/2006 og c-lið 2. mgr. 24. gr. laga nr. 85/2008. Gjaldið skal standa straum af kostnaði við kennslu, námsráðgjöf, aðstöðu og umsýslu sem ekki er mætt með framlögum úr ríkissjóði.

Gjald fyrir fullt nám (73-97 einingar) á einu til einu og hálfu skólaári er frá 290.000-384.000 kr. Kostnaður fer eftir því hvaða námsleið nemandinn velur.

Háskólaráð getur heimilað að gjaldið sé innheimt í áföngum eða hlutfallslega miðað við fjölda eininga sem nemandi er skráður í.

Sundurliðun á forsendum gjaldsins er í viðauka II.

2. gr.

Við reglurnar bætist nýr viðauki, viðauki II, sem birtur er með reglum þessum.

3. gr.

Reglur þessar eru settar af háskólaráði Háskóla Íslands með heimild í 18. gr. laga um opinbera háskóla, nr. 85/2008, sbr. 71. gr. reglna fyrir Háskóla Íslands, nr. 569/2009, og öðlast þegar gildi.

B deild — Útgáfudagur: 12. desember 2025